Ana səhifə

Wohaniri na uiguithania


Yüklə 0.56 Mb.
səhifə2/7
tarix26.06.2016
ölçüsü0.56 Mb.
1   2   3   4   5   6   7

C. Kuohera TI kuriganiruo.

1. “Kuriganiruo ni undu wikikaga thiini wa meciria uhoro-ini wa gutharuka thiini wa kiririkano oro uria mahinda mahitukite. Wohaniri ni undu uri muoyo; woyaga uhoro wa itua na kuoya ikinya ria guika undu” (Sande 2004: 206).

2. Nduri hingo ungiohera kiria uriganiiruo nikio. Riria tuohera noturiganiruo gitumi ni tondu nituhonete.

3. Icunji ngurani (Thab 103:12; Yer 31:34; Mic 7:19) cionanagia ati Ngai “niariganagiruo” ni mehia maitu.

a. Mihari ino, ota uria bibiria yaragia iguru ria “maitho” ma ngai (2 Maundu ma matuk 16:9), “matu”make (1 Pet 3:12), “moko” (Tham 24:11), na “mauru”make(2 Sam 22:10) mahota gutuika ari njira ya thimo kana ngerekano ya kuaria—ikigeria kueretha mundu wa tene na tene kuri mundu wa guthira agitumira mbicha ya mundu. Ti undu ungicirio ati Ngai no aingire thiini wa kiriganiro iguru ria maundu maria ohera, na akariganiruo biu undu ona angigeria kuririkana ndangihota.

b. Uhoro wa ma, Bibiria yonanagia ati meciria maitu na mathugunda mothe nimagatuiruo ni Ngai niguo kumenyeke gitumi kiamo na ngerenwa itu (Mat 16:27; Luka 8:17; 12:2-3; Arom 2:1-16; 14:10-12; 1 Akor 3:12-15; 2 Akor 5:10; Kug 20:11-15; 22:12). Uguo nikuonania ati Ngai ndoraguo ni kiririkano ona iguru ria maundu maria tueka nigetha atue cira na kihoto.

4. “Mihari iria thiini wa Bibiria yaragia iguru ria Ngai kuriganiruo ni mehia thutha wa kuohera, igeragia kuonania wohaniri wa biu hatari uhoro wa ituiro ringi kuri Ngai iguru ria mehia maitu. Riria tuamukira wohaniri wa Ngai, tutibatii kuona thina uria mehia mau mangiarehe wa tene na tene ” (Jeffress 2000: 129). Uma uyu niwonanitio wega thiini wa Arom 4:7-8 (iria yonanagia Thim 32:1-2): 7Gukena niaria moheiruo waganu wao, mahitia mao makihumbiruo 8Gukena niaria Mwathani atanguta ehia.

Jeffress erethaga atiri: “Mehia maitu matumaga tugie na thiri kuri Ngai. Tugiaga na thiri kuri Ngai niundu wa mehia maria tuika. No gikuu kia kristo kiarihire thiri thiini wa undu wa muthemba uria waritio thiini wa Akolosai 2:13-14: . . . arikia gutuohera waganu wothe, akihura mandiko maria mandikituo thiri witu maria matuthitangite; akimeheria na akimamba mutharaba iguru.



Riria watuika mukristo, Ngai oyaga thiri waku na akwamba mutharaba iguru, na agatangatha ati “thiri ni murihe wothe.” No nikuri na uhoti wa kuohera mehia na kuaga kuriganiruo.” (Ibid.: 130)

5. Tungiuiga uhoro ucio na njira ingi, kuga ati Ngai “niariganagiruo” mehia maitu ni kkuga ati aigugaga uria angiigua angikoruo ariganiiruo. Kana, “riria Ngai auga ati ‘ndaririkanaga mehia maitu ringi’(Isa 43:25), ndarauga ati ndangiririkana mehia maitu. No riri riria atuohera, ndabataraga kuaria uhoro wa mehia maitu kana kumeciria ringi.” (Sande 2004: 206).
D. Wohaniri TI kueherera.

1. Kueherera ni mugaru wa kuohanira. Tuagaga gukua andu riria tuamunya ati maundu maria mekire matiari na ngoro njuru, kana meciria moru no mari na wendi mwega niundu witu; tuohagira andu riria tuamenya ati nimahutanitie na uru wa maundu maria mekire—undu utangiehereiruo na wari muru—hamwe na maundu maria mekire ma gututhukia.

2. Sande ongagirira akauga ati “wohaniri ugaga, ‘ithueri nitui ati undu uria wekire ni muru na ndungiehereruo. No nitondu Ngai niatuoheiruo, ni ndakuohera onawe.’ Gitumi ni tondu wohaniri urutaga wira wa wihokeku thiini wa mehia, urehaga thayu utari gitumi onakimwe kingiurehe” (Sande 2004: 206-07).
E. Wohaniri TI undu umwe na “kuiyukia andu.”

1. tugiaga na kuiyukia andu nitondu niega; no tuohanagira ni tondu wa maundu moru andu matuikite.

2. Wohaniri ubataraga giko kiuru. Tutingiohera mundu “mitugo”yake miuru kana “unduire wake”, makiria ya angikoruo notuohere mundu ni unndu ni muthuri, kana mutumia, kana muiru kana mweru, kana tondu ni wa gacoto. Uguo noguo “tutingiohera” mundu niundu wa kugia na muonere ngurani. “Tungiohera” tu maundu moru, mehia maria matutihitie.

F. Wohaniri “ndueheragira kihoto” na “nduingiragia” andu na mehia mao, no to muhaka weheria maumirira ma mahitia.

1. Wohaniri ni undu wa bata wa ngwataniro yaku na kueheria nguraro thiini waku niundu wa mahitia maria uhitiirio—wohaniri, riria undu ucio wekuo, niundu tuwikaga thiini wa ngoro , meciria na mathugunda maitu. Niundu wikaguo na njira ya guathikira Kristo na ukarehe uhoro wa kuhona guitu. Kihoto thiini wa muingi ni wira wa wathani na andu aria marutaga wira na umaramari wigii ihoto cia watho, niundu wa kurehe kihoto kuringana na mahitia maia mekituo kuri muingi. Ithui kuohera mundu ti kuga ati “matihititie” na ati matingituiruo igoti-in; no nikuga ati undu ucio ndueheragia kana ugatiria maumirira ma kiwatho megii waganu na mahitia, ni tondu mahitia maria hihi tungikoruo tuikituo no makoruo mari mahitia kuri, thirikari, muingi kana mbari ya mundu iri yothe.

2. Wohagira uru wikituo kuri we, no ndungiohera uru wikituo mundu ungi, kana ugekuo kuri bururi, kana kuri andu—ucio niguo wohaniri. Mundu angitihia mwana wakwa, undu ucio no ukoruo uri wa kundihia onanii, niundu ninyendete mwana wakwa. No njohere mundu ucio niundu wa marakara makwa na maundu mangi moru mekikite thiini wakwa niundu wa uria eka mwana wakwa, no ndingimuohera ithenya ria mwana iguru ria mahitia maria ahitiirie mwana ucio. Mwana wakwa we mwene no muhaka arute wira wa kumuohera ariwe.

3. Kumenya maumirira ma mehia no gutuhotithie kumenya gitumi gia tukoruo turi ehia makiria ya uria tuiciragia—rihia rimwe rihutagia andu aingi makiria ya uria tungiciria. Na giki nikio gitumi gia kubatara Kristo atuohere—gitumi ni tondu akuire mehia maitu mohe. Riria tuamenya uriku wa mehia maitu, na uria Ngai atuoheire mehia maitu, tubatii gukoruo tuihariirie kuohera aria angi mauru maria matuikite.

4. Kihoto klia muico gigakoruo ituiro-ini ria muthia ria Ngai; na ucio ti wira witu. Kuohera mundu mehia make gutimuingiragia thiini wa Ngai atari namahitia, na undu ucio ndueheragia kihoto kia Ngai thiini wa ituiro ria muico.

5. Kuohanira gutinyihanyihagia uru wa mahitia maria mekituo.

a. Ota uria Smedesaugaga ati, “Gutiri wohaniri wa ma angikoruo gutari kumburanio na ituiro ria kihoto” (Smedes 1984: 79). Omundu aiguaga ruo ruake mwene; githimi kia ruo gitiongererekaga niundu mundu ucio niahitiirie andu mirongo, Magana kana makiri ma andu—omundu aiguaga ruo ruake we mwene ona angikoruo mundu ucio niahitiirie andu angi aingi.

b. Kuga ati “andu angi ni nyamu”na itingioheruo, undu ucio nikumahe kiria omendaga—nikumambarararia kumatua “andu-angi”, ukamahianania na Saitani Undu ucio umeheragia thiini wa wendi na kubatara kuoheruo, kana kuiyona ta mari andu, gitumi omari iguru ria mbari ya mundu. Undu ucio urehaga umia wa ngoro, na ati aria mahitiirio magutura thiini wa ruo ruu nitondu matingihonio kugera wohaniri. Kuona “mundu-nyamu” (muragani, munyitani kiahinya, muici na angi) ta ari ngurani na ithui, kana ta ari “munene” gutukira, ndu ucio niutuhuthagia na ni kihutati na uma. Uma ni ati “ni andu a nduire magika maundu matari ma nduire” (Ibid.: 81).

c. RMwandiki wa Kirassia Aleksandr Solzhenitsyn amenyire: “Koruo wakoruo niundu muhuthu! Koruo guakoruo ati nikuri andu muthemba muna na noo mekaga uru, na no uhote kumeherania na ithui na tumanine; no muhari uria ugayukanitie wega na uru ugerete thiini wa ngoro ya mundu wothe. Na nuu ungikihota kunuha gacunji ka ngoro yake mwene?” (Solzhenitsyn 1985: 75)

6. Riria wohera mundu mauru maria aguikite, tomuhaka ukoruo niureheria maumirira ma mauru ma mundu ucio.

a. Ota uria Willard augaga, “Maumirira ma kinduire ma mawiko maitu mathondekiruo ni Ngai gututua andu aria tubatii gukoruo turi. Kuaga kurumirira urutani wamo nogukoruo ni guthukia aria tungiateithia” (Willard 1997: 262). Kwa muhiano, riria daudi atharirie na Bethseba na akiuragithia muthuri wake Uriah Muhiti, ona guatuika Ngai nioheire Daudi mehia make, augire atiri: “ruhiu ritigathama thiini wa nyumba yaku . . .ningukurehithiria uru kuma thiini wa nyumba yaku; ningoya atumia aku maitho-ini maku, na ndimanengere mundu wa hakuhi nawe, nake niagakome nao muthenya kuri na riua. Ha uhoro wa ma, wekire maundu macio na thiri, no undu uyu ngawika mbere ya Aisiraeli othe, muhuro wa riua. . . . [na] niundu kugera giko giki niwahe kanya thu cia Ngai kumuruma, kana karia gagaciaruo no gagakua.” (2 Sam 12:7-14)

b. Klassen ongagirira atiri, “Muhitia ndangiyeheria hari nduano riria tuohera; tumenyaga ati nituarutuo nduano-ini tuohanira.” Ongagirira akauga, “Riria ndohera nikuhingurira hinguragira muohuo, no ngacoka ngamenya muohuo auma nii” (Klassen n.d.: n.p.).

7. Uguo no taguo, riria wohera mundu uria ukuhitiirie, to muhaka ukoruo niureheria maumirira ma uru waku we mwene. Uguo nit a kuga ati, “No njohere mundu ni tondu wa kundua kionje, no wohaniri wakwa ndunginjokia ugima ringi” (Ibid.) No riri, ni hari bata wa kumenya ati, ona guatuika “wohanirio ndueheragia ruo, . . . wohaniri ututeithagia gukuua ruo” (Ibid.). Makiria, Ngai atumagira wohaniri witu (uria ari wathiki kuri we) gutugarura—gutuma tuhianane na kristo, guturehe hakuhi nake, na gutuhe umenyo, than a winyihia. Thiini wa undu ucio (na no ukoruo niundu wa ihinda iraya—ha uhoro wa ma, ni undu wa uturu wothe wa muoyo waku), riria tukona gitumi gia kuhitirio guitu na uria kuarutire wira thiini witu kugera kuohanira, niacenjagia ruo na akarueheria biu.
G. Wohaniri TI kuga ati nouhote kuihoka muhitia, kana guthii na mbere gutuika arata, kana ngwataniro nake.

1. Wohanirinikuheanuo uheanaguo; kuihokana nikuguruo kuguraguo. Urata ubataraga kuihokana na gitiyo. Gitiyo otauria kuihokana kuri, nikuguruo kiguraguo (kurutiruo wira)

2. Kuoyaga mundu umwe thiini wa wohaniri; no kuoyaga andu eri thiini wa uiguithanio. Wohaniri ni undu “wikikaga thiini wa mundu uria wawika” (Smedes 1996: 25). Smedes ongagirira akauga ati, “uhoro wa wohaniri tuwikaga turi aiki thiini wa meciria maitu; maundu maria mekikaga kuri andu aria tuohera maringanaga nao ene” (Ibid.: 177). Ti undu umwe na uiguithanio, ona gutuika ni ithenya ria uiguithania—wohaniri niguo utongoragia uiguithania:

a. Wohaniri ni uria mundu ekaga wega kuri mundu uria umuhitiirie;

b. Uiguithania niandu eri guka hamwe gucokia ngwataniro iria kuihokana guthukite (kueheria kihingo kia maundu ma mitugo ya kuhingiriria ngwataniro).

3. Ni ma ati nitubatii “kuenda thu citu na kuhoera aria matunyariraga” (Mat 5:44); “enda thu yaku muike wega uria ukumenete” (Luka 6:27); “Enda thu yaku na umike wega” (Luka 6:35). Yesu augire ati riathani ria, “enda mundu wa itura riaku ota uria wiyendete wee mwene,” hamwe na kuenda Ngai na ngoro yaku yothe nikio kihumo gia kuhingia “watho wothe na unabii” (Mat 22:37-40).4

a. Menya Yesu augire ati tubatii kuenda thu citu. Miamenyire ati niturikoraguo na thu na niciritunyariraga. No riri, tubatii kumenda. Ningi akiongerera ati “mungikoruo mwendete oaria mamwendete, mukiri na kiheyo kiriku? Kai ona etia a igoti matekaga uguo?” (Mat 5:46).

b. Utauku na uma wa wendo wa muthemba uyu ni ati: “Kuenda mundu wa itura riaku, thu yaku . . . undu ucio tomuhaka woyuo kuga ati guika uria magukenio niguo, no nikugeria kumonia wendi mwega na guitikirika . . . Mundu niabatii kumenya bata wa andu gucenjio kugera wega wa Ngai, na guika undu owothe ungihoteka kumarehe thiini wa kumenya Ngai. Undu uyu noukoruo hamwe na guika mawiko ma tha kana iherithia na maundu maingi mari ta makuonania wendo. . . . Kuringana na wendo wa Ngai (uria tubatii kurumirira) tondu niyo njira iria ya wendi wa Ngai. Kubataraga Ngai guika undu uria aramenya ni mwega kuri mundu na to muhaka maundu maria mundu abangite.” (Zodhiates 1993: agapáō; agápē)

c. Uguo, kuenda ti kumena muiki uru, ona gutuika niaguikite uru, no ni guika maundu niundu wa wendi mwega , kumuonia wega na utugi, na wirutiri wendo ni hamwe na wohaniri. Kugera undu uyu, Ngai niacenjagia meciria maku kuri mundu ucio uguikite uru, ona hamwe na kueheria ruo rua mahitia maria wikiruo.

d. Kuenda thu yaku kana mundu wa itura riaku ti kuga ati niurirekaga eke uria ekwenda, ona kan no uhote kumuitikia thutha wa guthukia irikaniro cianyu thiini wa biasara, kana nomuhaka uture nake ona agikuhuraga kana ari uguati kuri muturire waku. Ungika maundu macio ni guikira hinya mitugo yake miuru. Na undu ucio ti undu mwega kuri mundu ucio; kana undu mwega hari Ngai. No gukoruo no kuhoteke gucokaniriria ngwataniro niguo mucakaniriruo na mundu ucio—no guika uguo gukubatara wee na mundu ucio ungi muiguithanie, no ti uhoro wa wohaniri wiki wa maundu maria moru aguikite.
II. Whaniri NI.

A. Wohaniri werethetuo: wohanire ni muthemba wa wega muna—ni kurekanira thiri.

Wohaniri ni:



1. Guitikira mahitia nimekikite;

2. Kumenya ati mahitia macio mabatii kurihuo; na

3. Thiini wa wiyenderi gucagura kuaga kurihia mundu ucio no wee ukariha hathara iyo (Jeffress 2000: 49; rora hamwe na, Willard 1997: 262, “Tuohagira mundu niundu wa mahitia maria mekite kuri ithui riria tuatua ati matikuherithio thiini wamo na njira oyothe.”). Uguo, wohaniri ni, muhianire wa muthemba wa wega—gitumi ni tondu wega ni itua ria kuhe mundu kindu gitamukonii (ota uria Ngai atuire gukuohera wee—ndubatii kuriganiruo ati woheiruo niundu wa wega wa Ngai; nduri undu wikire).
B. Wohaniri Gutaririo: Wohaniri ni undu wa meciria uria uhutagia maundu mothe ma umundu witu:

1. Mundu wothe ari athondeketuo thiini wa maundu matiganite makanyitithanio thiini wake mari matatu thiini wa umundu wake (hamwe na mwiri wake wa kinduire). Maundu maya nimo: (A) undu wa umenyi (uguo ni ta., uhoti wa guiciria, gutarania, kumenya maundu); (B)Uhoti wagutua matua (uguo nita., uhoti wa gucagura na guika kuringana na matua macio; gutumia wendi); na (C) uhoti wa kuigua (uguo ni kuga ati., uhoro wa muiguire, thiini wa thamiri). Angikoruo uma wa wohaniri ni kurekeruo kwa mehia, wohaniri ungituika mugima na mukinyaniru angikoruo maundu macio mothe mari ho, uhoro witu wa umundu niwatumiruo thiini wa wohaniri.5

2. Kuoga wohaniri kuonekanaga riria: (A) Mehia mekika; (B) Na riria turora mehia ta ari kuhitirio kana kuhinguo (C) Gitihio kuu gugatuma mundu agie na meciria maruru ma marakara na guoya (wa gutihio ringi); (D) Ihinda kwa ihinda undu ucio ukaingira meciria-ini maitu iguru ria mahitia, muhitia na meciria kana gitumi kia atuhitirie, na maumirira ma mahitia macio magathiururuka meciri-ini maitu; (E) Undu uyu ukarehe kuaga kuohanira, hamwe na rumena rwa kahinda karaya, marakara, guoya wagutura, urume na meciria. Meciria mo mene ni makiria ya “kuigua uru”; no niundu uhutanagia na hakiri citu, na hinya wothe wa mwiri na uruti wira wothe wa mwiri.6

3. Wohaniri, kuoguo to kumenya tu ati niuhitiirio no ni nginya ni gninya ikinya ria gutua itua kuriha thiri ucio ari we mwene. (kuohera thiri na kuriha hathara wee mwene) No riri, wohaniri ni undu wa bata uria utumenyithagia ati guikuo maundu ma guturithia ni mundu ni undu uhutagia nginya meciria. Wohaniri ni “undu wa kimeciria” gitumi ni tondu ni undu wa gucenjania meciria. Wohaniri weheragia “meciria maria maruru” (rumena, guoya, marakara, guoya, ururu na meciria maria moimanaga na gutindirira mauru), na njira ya kurehe “meciria mega” ta wendo utari wa kuiyenda, tha, kuiguira tha muhitia.7 No undu uyu wa wohaniri wa meciria “uhonagia ngoro” biu (Worthington 2003: 44-45).

4. Riria tuohanira, tueheragia uhoro wa kugeria guthema kana kuirihiria kuri mutuihiria. Handu ha uguo, wohaniri ucenjanagia wega na uru. Wohaniri ucenjenagia meciria maria mathiururukaga ma uru, na maguika uru, na ukamacenjania na meciria ma kuendera muihia wega. Uguo, wohaniri ni kiheyo, kiria gikuaga wega, wendo, na wiathi (wiathi witu kuma kuri kioho kia rumena, marakara, guoya, meciria mathuku, gutura na maundu maria mahituku, na gutura thiini wa gutihio na mauru). Ni tui ati muhitia ndari na uhoti wa gukinyira maundu maya ma ihenyo ici (ota uria ithui tutiari na kihoto gia wohaniri wa Ngai).

5. Ndungigia na uhoti wa kuigua wohaniri thiini wa meciria makuona angikoruo niwoheiruo—nginya riria ungicenjia meciria maku. Onakoruo wacenjia meciria maku, wendi waku, na ciiko ciaku, gutiri hindi ungikinyiruo na uigue wohaniri nginya riria dhamiri yaku ingicenjia—no gucenjia meciria maku, wendi waku, na mawiko maku no muhaka matuarane na gucenjia kwa muiguire waku. “Wohanire ndueheragia kiririkano kia maundu maria maruo mekikire; no ucenjanagia meciria maria makonainie na maundu macio ma ruo mekikire” (Ibid.: 133).

6. Wohaniri ni kiriga (undu ta “kuheana nikuri kirathimo kinene gukira kuheo” [Atumwo 20:35] kana “mundu angikugutha ruthia ruru, munengere ruru rungi” [Mat 5:39-42; Luka 6:29-30]). Thiini wa wohaniri tumenyaga ati: (A) mahitia nimonekire na matiari mega na magutura matari mega; (B) ni turi na kihoto gia kurakara; no riri (C) nitutigaga guika maundu macio mothe maria mari ihoto citu na tugatuika undu mari tha, na wendo, tukaheana kiheyo kuri andu matabatii kuheyo thiini wa wathiki kuri Kristo. Kuoguo kiriga: kuaga kurakara na kana kuaga kuiga marakara, kuheaga muguiki uru kiheyo gia wohaniri na ukeyohora wee mwene.
III. Itumi cia kiria kingituma ati nomuhaka tuohere aria matuikite uru.

A. Wohaniri ni wira wa muoheruo.8

1. “Thiini wa Bibiria yothe uhoro wa kuohera na kuoheruo cionekaga itangihota kueheranirio” (Jeffress 2000: 57). Giki nikio gitumi kia Yesu thiini wa ihoya ria Mwathani (Mat 6:9-15) na Paulo (Aef 4:32) matuathaga tuohanire.

2. Ona andu makabirithiini wa ngerekano ya Yesu iguru ria ngombo ici igiri nimamenyire ati nikuri unyitaniri iguru ria kuheruo na kuohanira. Giki nikio gitumi gia gutuma magie na “mucayo munene” riria ngombo iria yoheiruo muno yaregire kuohera ngombo iria ingi yari na thiri wayo munini; na niundu wa uguo makimuiga kuri mwathi wao.(Mat 18:31).

3. Gitumi gitu thiini wa muturire uyu ni “kuhianana na muhianire wa Mwana wa ngai” (Arom 8:29), na “gukinyanira ota uria Ithe wanyu ari mukinyaniru” (Mat 5:48). Niundu wohaniri uthiaga thiini wa ngoro thiini ya Ithe witu na wira na gitumi kia Kristo, wohaniri witu ni kindu gia bata iguru ria gutherio. Ni kionereria kia Roho Mutheru akiruta wira thiini witu nigetha tuhianane na muhianire wa Kristo na gutukinyaniria. Giki nikio gitumi kia Kristo kunyitithania wohaniri na wendani (Luka 7:36-50) na mahaoya (Mariko 11:23-26). Ota uria Carson augaga, “andu aria mui ati nimoheiruo noi mahotaga kuohera andu aria angi. Undu umwe wa kuonania gukura thiini wa ukristiano, Whitney augaga atiri, ati ni mundu gukoruo niaratuika mundu wa kuohanira naihenya’” (Carson 2002: 80).

4. Wohaniri ni makiria ya “kawira” kahuthu, no ni hamwe na maundu ma muonere wa muturire wa mundu—uguo nit a ati., mundu kana niarorete kuri Ngai na gutura nigetha amukenie ngai we wiki.

a. Undu uyu ubataranagia ugananu iguru ria wohaniri na uiguithania: “Kuihoka Ngai niyo hinguro ya guthondeka wagi wa uiguithanio na njira ya waki. Riria tuaririkana tha ciake na na tuagia na hinya thiini wake, nituhotaga kuona maundu wega na tukahota gucemania na mathina na njira ya ugi. Thiini wa guika uguo nituhotaga kugia na utoria munene na maumirira mega ma mathina maitu. Thiini wa kahinda oro kau, no tuhote kuonia andu ati kwri nikuri Ngai na niatuteithagia guika maundu tutangihota guika turi aiki.” (Sande, 2004: 20)

b. Sande erethaga makinya ma bata ma guguteithia kuiga muihoko kuri Ngai: “Njira iria njega muno ya kugia na mwerekera hari Ngai ni mahinda mothe kuiyuria ciuria ici: ingihota atia gukenia na gutiya Ngai thiini wa undu uyu? Thiini wa undu uyu ingihota atia kurehe rugoci kuri Yesu na kuonania ati niarandeithia kugaruruka? Kugeria gukenia na gutiya Ngai niyo njira iria njega muno ya miturire itu, makiria riria tuacemania na mathina maingi. Yesu we mwene atongoragio ni maundu macio.[Rora Yohana 5:30; 8:29; 17:4]. . . .

Riria kuonania utonga wa wendo wa Ngai na kumukenia ni bata makiria gukira kuinyitira indo cia thi ino na guikenia wee mwene, undu ucio utumaga ugie na wega wa Ngai wa gucemania na mathina na njira ya wega, ugi, na njira ya kuirigiriria Kunene. Thiini wa njira ya muthemba uyu irehaga riri kuri Ngai na ugathondeka handu ha kurehe thayo.” (Sande, 2004: 34)



B. Wohaniri ni wa bata niundu wa umundu witu wothe.9

1. Maita maingi wohaniri noyo njira ya kunina thiri. Ota uria Jeffress augaga, thiini wa ngerekano ya Yesu “ngombo iyo yari na thiri itangiahotire kuriha thiini wa mahinda meri ma muturire wake kana mahinda ngiri ma gutura. Kuoguo ni undu uriku ungi muthamaki ari naguo tiga kuohanira?.” (Jeffress 2000: 51). Kuherithia na kuhura mundu uria ukuhitiirie ndungirehe urihi wa thendi ona imwe ya thiri. Ha uhoro wa ma niate “thiri” wa muthemba ta ucio nduri kiene ringi: mwene thiri uyu ahota gukoruo niakuire tene; kana agithama; kana agithama; kana akoruo ndari bata wa maundu macio. Makiria ni ati aria mahititie mahota gukoruo matangihota kuriha thiri ucio ona hanini: ni irihi ririku ringirihuo riiganane na gikuu kia mwana waku akinyangituo ni ngari na ndereba ari muriu? Kana mundu athukitie ritual riaku na maheni? Kana mundu athukitie kihiko giaku kugera utharia? Kana uthingi waku uiyituo kugera kunyituo kia hinya? Uhoro wa ma ni ati no uhoro wa wohaniri ungikuhonokia kuma kuri thiri wa muthemba ta ucio.

2. Wohaniri utuohoraga kuma kuri ukombo wa maundu maria mahitukire nakuri mundu uria utuihiirie. Wohanire utuohoraga tukahota guthii na mbere na muturire. Wohaniri utuohoraga kuma kuri maundu matangioneka, no ni mama, minyororo ituohaga—mahitia ma tene, gutihio, na uru—minyororo iria igiragiriria gikeno, thayu, na wiathi. Ahib 12:1-2 ituiraga ati turabatara “kuiga thi maundu mothe na mehia mothe matuhingaga naihenya” na “tuteng’ere na ukiririria ihenya riria riigituo mbere itu, tugitiraga maitho maitu kuri Ngai.” Kuaga wohaniri gutugiragiriria guika uguo, gitumi ni tondu kuaga wohaniri ni kihingo na mehia, na maundu macio matumaga turorie maitho maitu kuri mauru na matihio gukira kuroria maitho maitu kuri Yesu.

3. Wohaniri utuohoraga kuma kuri mathina ma tuhu.

a. Kuaga kuohanira niguturiaga. Gutura thiini wa mauru maria wikituo, nita guthugua kironda, na kugiria kihone. Uhoro witu wa guthii na mbere kugirika thiini wa uru kugaragara thiini wa kuiiguira tha, meciria ma kumena, kuenda kuirihiria, nduri undu wikaga mundu ucio ungi na nduri undu mwega wikaga kuri we mwene—undu ucio utumaga tutuika andu a kuiguiruo tha tu.10 Meciria ma muthemba ucio “manyihagia ngoro citu” na undu ucio ugatuma tuage kuhanana na Yesu handu ha guturehe hakuhi na Yesu. Uhoro wa ma ni ati, tutingihota kueherera, kuaga wohaniri, kugia na meciria macio thiini witu mathiururukage, na ruo, na uru muingi ukoraguo thiini wa maroho ma andu mathumbukite ukuigana. Onguatuika rumena nirutuheaga undu uhiana ta ari “hinya wa githamba” thutha wa kahinda karaya ugaruraga hinya ucio kihutati naithui turamenana.
1   2   3   4   5   6   7


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət