Ana səhifə

ŞİkayəTLƏR ÜZRƏ komiSSİyasinin rəYİ Şikayətin baxılma tarixi: 13 noyabr 2009-cu IL


Yüklə 15.69 Kb.
tarix18.07.2016
ölçüsü15.69 Kb.
AZƏRBAYCAN RESPUBLİKASI MİLLİ MƏCLİSİNİN DEPUTATI

NAZİM MƏMMƏDOV “YENİ MÜSAVAT” QƏZETİNƏ QARŞI
AZƏRBAYCAN MƏTBUAT ŞURASI

ŞİKAYƏTLƏR ÜZRƏ KOMİSSİYASININ RƏYİ

Şikayətin baxılma tarixi: 13 noyabr 2009-cu il

Şikayətin məzmunu:
Millət vəkili Nazim Məmmədovun Azərbaycan Mətbuat Şurasına müraciətində onun metroda gediş haqqının artırılması ilə bağlı mətbuatdakı çıxışında səslənən fikirlərin “Yeni Müsavat” qəzetinin əməkdaşı Leyla İlqarın imzası ilə gedən “İqtidar deputatları da metrodakı bahalaşmadan narazıdır” (2 oktyabr 2009) sərlövhəli yazıda təhrif olunduğunu, jurnalistin yalnışlıqlara haqq qazandırdığını, bunun redaksiyanın siyasıti ilə bağlılığını vurğuladığını bildirib. N.Məmmədov qəzetin növbəti sayında köşə yazarı Famil Cəfərlinin “Xalqın cibinə gecə basqını” sərlövhəli məqalədəki “xalqa atminnəti qoyan YAP-çı ziyalılar, deputat-meputatlar” sözləri ilə onun və digər millət vəkillərinin şərəf və ləyaqətinin təhqir edildiyini göstərib. Bütün bunlarla əlaqədar “Yeni Müsavat”ın baş redaktorunun birinci müavini Azər Ayxana zəng vuruduğunu, qərəzli, böhtan xarakterli məqalələrin dərcinə son qoyulmasını ondan xahiş etdiyini deyən millət vəkili qəzetin 8 oktyabr sayında da deputatın şəxsi imicinə xələr gətirən, adı iştirak etmədiyi hadisələrdə, cinayətdə çəkilən “Deputatın adı “razborkada” hallanır” sərlövhəli yazının getdiyini söyləyib. N.Məmmədov mətbuat üçün daim açıq olduğunu, bunu ictimaiyyətin də bildiyi halda məqalənin sonunda “dünən məsələ ilə bağlı YAP-çı deputatla əlaqə saxlamağa cəhd etsək də bu, baş tutmadı. Buna baxmayaraq N.Məmmədovu dinləməyə hazırıq” kimi əsassız fikrin verildiyini, burada məqsədin onun siyasi mənsubiyətini qabartmaqla oxuculara “şok” effektli məlumat çatdırmağın olduğunu bildirib. Müraciət müəllifi qarşı tərəfin əvvəlcədən məlumatın yalan olduğunu bildiyini halda etik prinsiplərə qəsdən sayğısızlıq göstərdiyini vurğulayaraq Azərbaycan Mətbuat Şurasından məsələnin müzakirə olunaraq müvafiq tədbir göstərilməsini xahiş edib.
Cavabdehin izahatı: İzahat təqdim olunmayıb.

Azərbaycan Mətbuat Şurası Şikayətlər üzrə Komissiyasının rəyi
Millət vəkili Nazim Məmmədovun “Yeni Müsavat” qəzetinin bu ilin oktyabr saylarında gedən bir sıra yazılarda onun barəsində yalnış, qərəzli fikirlərin yer alması ilə bağlı Azərbaycan Mətbuat Şurasına müraciətinə Şurasının Şikayətlər üzrə Komissiyasının 13 noyabr 2009-cu il tarixli iclasında baxılıb. Komissiya rəyə gəlib ki, qəzet millət vəkilinin “İqtidar deputatları da metrodakı bahalaşmadan narazıdır” (2 oktyabr) sərlövhəli yazıda gedən “YAP-çı deputat Nazim Məmmədov “Bakı xəbər”ə açıqlamasında 15 qəpiyin elə də çox pul olmadığını, tələbənin həmin pulun 10 qatını siqaretə xərclədiyini bildirib. Amma bu, o qədər zəif arqumentdir ki, hətta xırdaca tənqidə də dözmür. Bu məqamda paytaxtda siqaret çəkməyən on minlərlə tələbənin təhsil aldığını xatırlamaq yerinə düşər” fikrinin yalnış təqdim olunduğu ilə əlaqədar müraciətinə vaxtında aydınlıq gətirməklə məsələni operativ həll edə bilərdi. Lakin bu baş verməyib və nəticədə “Azərbaycan Jurnalistlərinin Peşə Davranışı Qaydaları”nın “Şərəf və ləyaqətin qorunması, şəxsi həyatın toxunulmazlığı” adlı 3-cü prinsipinin 3.4 bəndinin “jurnalist və kütləvi informasiya vasitəsi buraxdiği səhvi, həmin səhvi kimin müəyyən etməsindən asılı olmayaraq, maksimum qısa müddətdə və tam həcimdə aradan qaldırmalıdır” tələblərinə sayğısız yanaşılıb. Qəzet növbəti sayda gedən “Xalqın cibinə gecə basqını” sərlövhəli yazıda isə “xalqa atminnəti qoyan YAP-çı ziyalılar, deputat-meputatlar” kimi aşağılayıcı ifadələrlə həmin prinsipin 3.2 bəndinin “jurnalist görüşdüyü, haqqında yazdığı hər bir şəxsin şərəf və ləyaqətinə, şəxsi həyatın toxunulmazlığı prinsipinə əməl etməlidir” tələbini pozub. Komissiya qarşı tərəflə əlaqə saxlanılmadığı üçün yazılarda AJPDQ-nin “Həqiqətə xidmət, dəqiqlik və obyektivlik” adlı 1-ci prinsipinin 1.1 bəndinin “jurnalistikanın ali məqsədi həqiqəti yaymaqdır, obyektivlik isə əsas peşakarlıq meyarıdır” , 1.2 bəndinin “jurnalist hazırladığı yazıda tənqid obyektinin mövqeyini öyrənib bildirməlidir. Bu , mümkün olmadıqda, tənqid obyekti tələb edərsə, öz fikirlərini çatdırmağa cox qısa vaxtda ona şərait yaradılmalıdır. Plüralizm prinsipinə əməl edilməlidir. “İnformasiya qaynaqlarına sayğılı yanaşma” adlı 2-ci prinsipinin 2.2 bəndinin “qeyri-rəsmi mənbələrin məlumatları onların həqiqətə uyğunluğu və infərmasiya dəyəri yoxlanılmadan yayılmamalıdir”, “Şərəf və ləyaqətin qorunması, şəxsi həyatın toxunulmazlığı” adlı 3-cü prinsipinin 3.2 bəndinin “jurnalist görüşdüyü, haqqında yazdığı hər bir şəxsin şərəf və ləyaqətinə, şəxsi həyatının toxunulmazlığı” prinsipinə hörmətlə yanaşmalıdır”, 3.4 bəndinin “jurnalist və kütləvi informasiya vasitəsi buraxdığı səhvi, həmin səhvi kimin müəyyən etməsindən asılı olmayaraq, maksimum qısa müddətdə və tam həcimdə aradan qaldırmalıdır” tələblərinin pozulduğu qənaətinə gəlib. Komissiya qəzetə təkzib verməsinin, qarşı tərəfdən üzr istənilməsinin tövsiyə olunmasını məqsədəmüvafiq sayır.
Azərbaycan mətbuat Şurasının Şikayətlər üzrə Komissiyası bütün bunları nəzərə alaraq Rəyə Gəlib:


  1. “Yeni Müsavat” qəzetin nəşrin bu ilin oktyabr saylarında dərc olunmuş “İqdidar deputatları da metrodakı bahalaşmadan narazıdır”, “Deputatın adı “razborkada” hallanır” sərlövhəli yazılarda “Azərbaycan Jurnalistlərinin Peşə Davranışı Qaydaları”nın “Şərəf və ləyaqətin qorunması, şəxsi həyatın toxunulmazlığı” adlı 3-cü prinsipinin 3.4 bəndinin “jurnalist və kütləvi informasiya vasitəsi buraxdığı səhvi, həmin səhvi kimin müəyyən etməsindən asılı olmayaraq, maksimum qısa müddətdə və tam həcimdə aradan qaldırmalıdır” tələblərini pozub.

  2. “Yeni Müsavat” qəzeti “Xalqın cibinə gecə basqını” və “Deputatın adı “razborkada” hallanır” sərlövhəli yazılarda AJPDQ-nin 3-cü prinsipinin 3.2 bəndinin “jurnalist görüşdüyü, haqqında yazdığı hər bir şəxsin şərəf və ləyaqətinə, şəxsi həyatının toxunulmazlığı” prinsipinə hörmətlə yanaşmalıdır” tələbini pozub.

  3. “Yeni Müsavat” qəzetinə “İqdidar deputatları da metrodakı bahalaşmadan narazıdır”, “Deputatın adı “razborkada” hallanır” və “Xalqın cibinə gecə basqını” sərlövhəli yazılarda etik prinsiplərə sayğısızlıq göstərildiyi üçün qarşı tərəfdən - millət vəkili Nazim Məmmədovdan üzr istənilməsi, təkzib verilməsi tövsiyə olunsun.

  4. Bu rəy “Yeni Müsavat” qəzetinin növbəti sayında dərc edilsin.

Umud Rəhimoğlu MŞ-nin Şikayətlər üzrə Komissiyasının sədri



1. 4.
2. 5.
3. 6.


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət