Azərbaycan Respublikası Nazirlər Kabinetinin 2011-ci il 25 yanvar tarixli 21s nömrəli sərəncamı ilə təsdiq edilmiş “Azərbaycan Respublikasının 2011-ci il dövlət büdcəsində dövlət əsaslı vəsait qoyuluşu üçün nəzərdə tutulmuş 3380000000,0 (üç milyard üç yüz səksən milyon) manat vəsaitin sifarişçi təşkilatlar və obyektlər üzrə dövlət sifarişi kimi bölgüsü”ndə “Bakı Metropoliteninin V növbəsinin “Avtovağzal”-“Memar Əcəmi” sahəsinin tikintisi üçün” nəzərdə tutulmuş vəsaitin 12,0 (on iki) milyon manat azaldılması hesabına “Bakı Metropoliteninin III növbəsinin şimal sahəsinin tikintisi çərçivəsində 6-cı stansiyanın tikintisinin başa çatdırılması (avadanlıqlarla birgə) və deponun tikintisi, infrastrukturun köçürülməsi” üzrə yerinə yetirilmiş işlərə görə podratçılara yaranmış borcun ödənilməsi və işlərin davam etdirilməsi üçün 10,0 (on) milyon manat və “28 May” stansiyasının yenidən qurulması obyektinə daxil olan texnoloji korpusun tikintisi üçün 2,0 (iki) milyon manat olmaqla, Bakı Metropoliteninə cəmi 12,0 (on iki) milyon manat vəsait ayrılması barədə
AZƏRBAYCAN RESPUBLİKASININ NAZİRLƏR KABİNETİ
SƏRƏNCAM
№ 242s
Bakı şəhəri, 12 avqust 2011-ci il
Azərbaycan Respublikası Konstitusiyasının 119-cu maddəsinin səkkizinci abzasına əsasən, Bakı Metropoliteninin Azərbaycan Respublikasının İqtisadi İnkişaf Nazirliyi və Azərbaycan Respublikasının Maliyyə Nazirliyi ilə razılaşdırılmış təklifini nəzərə alaraq:
1. Azərbaycan Respublikası Nazirlər Kabinetinin 2011-ci il 25 yanvar tarixli 21s nömrəli sərəncamı ilə təsdiq edilmiş “Azərbaycan Respublikasının 2011-ci il dövlət büdcəsində dövlət əsaslı vəsait qoyuluşu üçün nəzərdə tutulmuş 3380000000,0 (üç milyard üç yüz səksən milyon) manat vəsaitin sifarişçi təşkilatlar və obyektlər üzrə dövlət sifarişi kimi bölgüsü”ndə “Bakı Metropoliteninin V növbəsinin “Avtovağzal”-“Memar Əcəmi” sahəsinin tikintisi üçün” nəzərdə tutulmuş vəsaitin 12,0 (on iki) milyon manat azaldılması hesabına “Bakı Metropoliteninin III növbəsinin şimal sahəsinin tikintisi çərçivəsində 6-cı stansiyanın tikintisinin başa çatdırılması (avadanlıqlarla birgə) və deponun tikintisi, infrastrukturun köçürülməsi” üzrə yerinə yetirilmiş işlərə görə podratçılara yaranmış borcun ödənilməsi və işlərin davam etdirilməsi üçün 10,0 (on) milyon manat və “28 May” stansiyasının yenidən qurulması obyektinə daxil olan texnoloji korpusun tikintisi üçün 2,0 (iki) milyon manat olmaqla, Bakı Metropoliteninə cəmi 12,0 (on iki) milyon manat vəsait ayrılsın.
2. Azərbaycan Respublikasının Maliyyə Nazirliyinə tapşırılsın ki, bu sərəncamın 1-ci hissəsi ilə ayrılan vəsaitin müəyyən olunmuş qaydada ödənilməsini təmin etsin.
3. Bu sərəncam imzalandığı gündən qüvvəyə minir.
Azərbaycan Respublikasının Baş naziri Artur Rasi-zadə
|