Ana səhifə

Rituale romanum 1944


Yüklə 2.47 Mb.
səhifə4/45
tarix25.06.2016
ölçüsü2.47 Mb.
1   2   3   4   5   6   7   8   9   ...   45

CAPUT 3
DE BAPTISMO ADULTORUM


1. Adultus, nisi sciens et volens probeque instructus, ne baptizetur; insuper admonendus ut de peccatis suis doleat.

In mortis autem periculo, si nequeat in præcipius fidei mysteriis diligentius instrui, satis est, ad Baptismum conferendum, ut aliquo modo ostendat se eisdem assentire serioque promittat se christianæ religionis mandata servaturum.

Quod si Baptismum ne petere quidam queat, sed vel antea vel in præsenti statu manifestaverit, aliquo probabili modo intentionem illum suscipiendi, baptizandus est sub conditione; si deinde convaluerit et dubium de valore Baptismi collati permaneat, sub conditione Baptismus rursus conferatur.

2. Adultorum Baptismus, ubi commode fieri possit, ad loci Ordinarium deferatur, ut, si illi placuerit, ad eo vel ab ejus delegato solemnius conferatur, alioquin Parochus ipse baptizet, stata cæremonia.

3. Decet autem hujusmodi Baptismum, ex Apostolico instituto, in pervigilio Paschatis vel Pentecostes solemniter celebrari.

4. Quare si circa hæc tempora Catechumeni sint baptizandi, in ipsos dies, si nihil impediat, Baptismum differri convenit.

5. Verum si circa, seu post tempus Pentecostes aliqui conversi fuerint, qui ægre fuerunt suum Baptismum in longum tempus differri, et ad illud festinent, instructique, ac rite parati esse noscantur, citius baptizari possunt.

6. Catechumenus instructus baptizetur in ecclesia, seu Baptisterio, patrinus ei assistat, et ipse Catechumenus ad Sacerdotes interrogationes respondeat, nisi mutus sit, aut omnino surdus, vel ignotæ linguæ: quo casu vel patrinum, si illam intelligat, aut aliam interpretem, vel nutu consensum explicet suum.

7. Tam Sacerdotem, qui adultos baptizaturus est, quam ipsos adultos, qui sani sint, decet esse jejunos.

Nisi graves urgentesque causæ obsint, adultus baptizatus statim Missæ sacrificio assistat et sacram Communionem percipiat.

8. Quare non post epulas, aut prandia, sed ante meridiem (nisi ex rationabili causa aliter faciendum sit) eorum Baptismus celebretur.

9. Amentes et furiosi ne baptizentur, nisi tales a nativitate vel ante adeptum rationis usum fuerint; et tunc baptizandi sunt ut infantes.

Si autem dilucida habeant intervalla, dum mentis compotes sunt, baptizentur, si velint.

Baptizentur quoque, imminente periculo mortis, si antequam insanirent, suscipiendi Baptismi desiderium ostenderint.

Qui lethargo aut phrenesi laborat, vigilans tantum et volens baptizetur; at si periculum mortis impendeat, et prius ille ostenderit suscipiendi Baptismi desiderium baptizetur.

10. Sacerdos diligenter curet, ut certior fiat de statu et conditione eorum, qui baptizari petunt, præsertim exterorum: de quibus facta diligenti inquisitone, num alias, ac rite sint baptizati, caveat, ne quis jam baptizatus, imperitia, vel errore, aut ad quæstum, vel ob aliam causam, fraude, dolove iterum baptizari velit.

11. Omnes autem, de quibus, re diligenter investigata, prudens dubium existat, num revera vel num valide baptizati fuerint, sub conditione iterum baptizentur.

12. Hæretici vero ad Catholicam Ecclesiam venientes, in quorum Baptismo debita forma, aut materia servata non est, rite baptizandi sunt; sed prius errorum suorum pravitatem agnoscant et detestentur, et in fide Catholica diligenter instruantur: ubi vero debita forma et materia servata est, omissa tantum suppleantur, nisi rationabili de causa aliter loci Ordinario videatur.

13. Ceterum legantur, et serventur ea, quæ supra de Baptismo in communi præscripta sunt cap. 1.

CAPUT 4
ORDO BAPTISMI ADULTORUM


1. In primis Sacerdos, paratis his, quæ supra de observandis in administratione Sacramenti Baptismi parvulorum dicuntur, indutus superpelliceo et stola, vel etiam pluviali violacei coloris, cum suis Clericis accedit ad gradus Altaris, et genibus flexis, pias mente ad Deum preces effundit ; ut tantum Sacramentum digne valeat ministrare, et ad implorandum divinum auxilium, surgens, se signat, et, si temporis ratio ferat, dicit:

V. Deus in adjutórium meum inténde.

R. Dómine, ad adjuvándum me festína.

V. Glória Patri.

R. Sicut erat.

2. Postea incipit, prosequentibus Clericis, Antiphonam:



Psalmus 8

Quóniam eleváta est magnificéntia tua, * super cælos.

Ex ore infántium et lacténtium perfecísti laudem propter inimícos tuos, * ut déstruas inimícum et ultórem.

Quóniam vidébo cælos tuos, ópera digitórum tuórum: * lunam et stellas, quæ tu fundásti.

Quid est homo, quod memor es ejus? * aut fílius hóminis, quóniam vísitas eum?

Minuísti eum paulo minus ab Angelis, glória et honóre coronásti eum: * et constituísti eum super ópera mánuum tuárum.

Omnia subjecísti sub pédibus ejus, * oves et boves univérsas: ínsuper et pécora campi.

Vólucres cæli, et pisces maris, * qui perámbulant sémitas maris.

Dómine, Dóminus noster, * quam admirábile est nomen tuum in univérsa terra!

Glória Patri.

Psalmus 28

Afférte Dómino, fílii Dei: * afférte Dómino fílios aríetum.

Afférte Dómino glóriam et honórem, afférte Dómino glóriam nómini ejus: * adoráte Dóminum in átrio sancto ejus.

Vox Dómini super aquas, Deus majestátis intónuit: * Dóminus super aquas multas.

Vox Dómini in virtúte: * vox Dómini in magnificéntia.

Vox Dómini confringéntis cedros: * et confrínget Dóminus cedros Líbani:

Et commínuet eas tamquam vítulum Líbani: * et diléctus quemádmodum fílius unicórnium.

Vox Dómini intercidéntis flammam ignis: * vox Dómini concutiéntis desértum: et commovébit Dóminus desértum Cades.

Vox Dómini præparántis cervos, et revelábit condénsa: * et in templo ejus omnes dicent glóriam.

Dóminus dilúvium inhabitáre facit: * et sedébit Dóminus Rex in ætérnum.

Dóminus virtútem pópulo suo dabit: * Dóminus benedícet pópulo suo in pace.

Glória Patri.

Sicut erat.

Psalmus 41

Quemádmodum desíderat cervus ad fontes aquárum: * ita desíderat ánima mea ad te, Deus.

Sitívit ánima mea ad Deum fortem vivum: * quando véniam, et apparébo ante fáciem Dei?

Fuérunt mihi lácrimæ meæ panes die ac nocte: * dum dícitur mihi quotídie: Ubi est Deus tuus?

Hæc recordátus sum, et effúdi in me ánimam meam: * quóniam transíbo in locum tabernáculi admirábilis, usque ad domum Dei.

In voce exsultatiónis, et confessiónis: * sonus epulántis.

Quare tristis es, ánima mea? * et quare contúrbas me?

Spera in Deo, quóniam adhuc confitébor illi: * salutáre vultus mei, et Deus meus.

Ad meípsum ánima mea conturbáta est: * proptérea memor ero tui de terra Jordánis, et Hermóniim a monte módico.

Abýssus abýssum ínvocat, * in voce cataractárum tuárum.

Omnia excélsa tua, et fluctus tui * super me transiérunt.

In die mandávit Dóminus misericórdiam suam: * et nocte cánticum ejus.

Apud me orátio Deo vitæ meæ, * dicam Deo: Suscéptor meus es.

Quare oblítus es mei? * et quare contristátus incédo, dum afflígit me inimícus?

Dum confringúntur ossa mea, * exprobravérunt mihi qui tríbulant me inimíci mei.

Dum dicunt mihi per síngulos dies: Ubi est Deus tuus? * quare tristis es, ánima mea? et quare contúrbas me?

Spera in Deo, quóniam adhuc confitébor illi: * salutáre vultus mei, et Deus meus.

Glória Patri.

Et repetitur Antiphona:

3. Deinde dicitur: Kýrie, eléison. Christe, eléison. Kýrie eléison. Pater noster secreto usque ad

V. Et ne nos indúcas in tentatiónem.

R. Sed líbera nos a malo.

V. Dómine, exáudi oratiónem meam.

R. Et clamor meus ad te véniat.

V. Dóminus vobíscum.

R. Et cum spíritu tuo.

Orémus. Oratio

Omnípotens, sempitérne Deus, qui dedísti fámulis tuis in confessióne veræ fídei, ætérne Trinitátis glóriam agnóscere, et in poténtia majestátis adoráre unitátem: quǽsumus; ut, ejúsdem fídei firmitáte, ab ómnibus semper muniámur advérsis.

Oratio


Adésto supplicatiónibus nostris, omnípotens Deus: et quod humilitátis nostræ geréndum est ministério, tuæ virtútis impleátur efféctu.

4. Si plures sint baptizandi, sequens Oratio dicatur in numero plurali (et in genere masculino, nisi omnes sint feminæ).

Pro uno vel una

Oratio


Da, quǽsumus, Dómine, Elécto ( æ) nostro ( æ), ut sanctis edóctus ( a), mystériis, et renovétur fonte Baptísmatis, et inter Ecclésiæ tuæ membra numerétur. Per Christum Dóminum nostrum.

R. Amen.

Pro Pluribus

Oratio


Da, quǽsumus, Dómine, Eléctis nostris, ut sanctis edócti ( æ) mystériis, et renovéntur fonte Baptísmatis, et inter Ecclésiæ tuæ membra numeréntur. Per Christum Dóminum nostrum.

R. Amen.

5. Deinde Sacerdos procedit ad fores ecclesiæ, et stat in limine: catechizandus vero extra limen. Et si sint plures, mares et feminæ, illi ad dexteram Sacerdotis, hæ vero ad sinistram statuantur.

Tum Sacerdos interrogat Catechumenorum (singulariter singulos, si plures, usque ad Orationem Te déprecor exclusive, pag. 20).

Quo nómine vocáris?

Catechumenus respondet: N.

Sacerdos: N. Quid petis ab Ecclésia Dei?

R. Fidem.

Sacerdos: Fides, quid tibi præstat?

R. Vitam ætérnam.

Sacerdos: Si vis habére vitam ætérnam, serva mandáta. Díliges Dóminum Deum tuum ex toto corde tuo, et ex tota ánima tua, et ex tota mente tua, et próximum tuum sicut te ipsum. In his duóbus mandátis tota Lex pendet, et Prophétæ. Fides autem est, ut unum Deum in Trinitáte, et Trinitátem in unitáte veneréris, neque confundéndo persónas, neque substántiam separándo. Alia est enim persóna Patris, alia Fílii, alia Spíritus Sancti; sed horum trium una est substántia, et nónnisi una Divínitas.

6. Et rursus interrogat:

N. Abrenúntias sátanæ?

R. Abrenúntio.

Interrogat: Et ómnibus opéribus ejus?

R. Abrenúntio.

Interrogat: Et ómnibus pompis ejus?

R. Abrenúntio.

7. Deinde Sacerdos interrogat de Symbolo Fidei, dicens:

Credis in Deum Patrem omnipoténtem, Creatórem cæli et terræ?

R. Credo.

Interrogat: Credis in Jesum Christum Fílium ejus únicum Dóminum nostrum?

R. Credo.

Interrogat: Credis et in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, et vitam ætérnam?

R. Credo.

8. Tunc Sacerdos exsufflat ter in faciem ejus, et dicit semel:

Exi ab eo (ea), spíritus immúnde, et da locum Spirítui Sancto Paráclito.

9. Hic in modum crucis halat in faciem ipsius, et dicit:

N. Accipe Spíritum bonum per istam insufflatiónem, et Dei bene † dictiónem.

Pax tibi.

R. Et cum spíritu tuo.

10. Deinde pollice facit crucem in ejus fronte, et in pectore, dicens:

N. Accipe signum crucis tam in fron † te, quam in cor † de: sume fidem cæléstium præceptórum. Talis esto móribus, ut templum Dei jam esse possis: ingressúsque (ingréssaque) ecclésiam Dei, evasísse te láqueos mortis, lætus ( a) agnósce.

Et si Catechumenus venerit de gentilitatis errore, seu de ethnicis et idololatris, Sacerdos dicat:

Horrésce idóla, réspue simulácra.

Si ex Hebræis dicat:

Horrésce Judáicam perfídiam, réspue Hebráicam superstitiónem.

Si ex Mahumetanis:

Horrésce Mahuméticam perfídiam, réspue pravam sectam infidelitátis.

Si ex Hæreticis, et in ejus Baptismo debita forma servata non sit, dicat:

Horrésce hæréticam pravitátem, réspue nefárias sectas impiórum N., exprimens proprio nomine de qua venit.

Inde prosequitur:

Cole Deum Patrum omnipoténtem, et Jesum Christum, Fílium ejus únicum, Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.

Pro uno vel una

Orémus. Oratio



Te déprecor, Dómine sancte, Pater omnípotens, ætérne Deus: ut huic fámulo tuo N. qui (fámulæ tuæ N., quæ) in hujus sǽculi nocte vagátur incértus ( a), ac dúbius ( a), viam veritátis et agnitiónis tuæ júbeas demonstrári: quátenus, reserátis óculis cordis sui, te unum Deum Patrem in Fílio, et Fílium in Patre cum Spíritu Sancto recognóscat, atque hujus confessiónis fructum, et hic, et in futúro sǽculo percípere mereátur. Per Christum Dóminum nostrum.

R. Amen.

Pro Pluribus

Orémus. Oratio



Te déprecor, Dómine sancte, Pater omnípotens, ætérne Deus: ut his fámulis tuis N. et N. (has famulábus tuas N. et N., quæ) in hujus sǽculi nocte vagántur incérti ( æ) ac dúbii ( æ), viam veritátis et agnitiónis tuæ júbeas demonstrári: quátenus, reserátis óculis cordis sui, te unum Deum Patrem in Fílio, et Fílium in Patre cum Spíritu Sancto recognóscant, atque hujus confessiónis fructum, et hic, et in futúro sǽculo percípere mereántur. Per Christum Dóminum nostrum.

R. Amen.

11. Deinde pollice signat Electum (singulos Electos) signo crucis in fronte dicens (singulariter singulis):

Signo tibi fron † tem, ut suscípias Crucem Dómini.

In auribus: Signo tibi au † res, ut áudias divína præcépta.

In oculis: Signo tibi óc † ulos, ut vídeas claritátem Dei.

In naribus: Signo tibi na † res, ut odórem suavitátis Christi séntias.

In ore: Signo tibi os †, ut loquáris verba vitæ.

In pectore: Signo tibi pe † ctus, ut credas in Deum.

In scapulis: Signo tibi scá † pulas, ut suscípias jugum servitútis ejus.

In toto corpore, illud non tangens, manu producit signum crucis, et dicit:

Signo te in totum in nómine Pa † tris, et Fí † lii, et Spíritus † Sancti, ut hábeas vitam ætérnam, et vivas in sǽcula sæculórum.

R. Amen.

Pro uno vel una

Orémus. Oratio

Preces nostras, quǽsumus, Dómine, cleménter exáudi, et hunc Eléctum tuum N. (hanc Eléctam tuam N.) Crucis Domínicæ impressióne signátum ( am), perpétua virtúte custódi: ut, magnitúdinis glóriæ tuæ rudiménta servans, per custódiam mandatórum tuórum ad regeneratiónis glóriam perveníre mereátur. Per Christum Dóminum nostrum.

R. Amen.

Pro pluribus

Orémus. Oratio



Preces nostras, quǽsumus, Dómine, cleménter exáudi, et hos Eléctos tuos N. et N. (has Eléctas tuas N. et N.) Crucis Domínicæ impressióne signátos ( as), perpétua virtúte custódi: ut, magnitúdinis glóriæ tuæ rudiménta servántes, per custódiam mandatórum tuórum ad regeneratiónis glóriam perveníre mereántur. Per Christum Dóminum nostrum.

R. Amen.

Orémus. Oratio

Deus, qui humáni géneris ita es cónditor, ut sis étiam reformátor, propitiáre pópulis adoptívis, et novo testaménto sóbolem novæ prolis adscríbe: ut fílii promissiónis, quod non potuérunt ássequi per natúram, gáudeant suscepísse per grátiam. Per Christum Dóminum nostrum.

R. Amen.

12. Tunc imponit manum super caput Electi (singulorum Electorum), et postea manum extensam tenens dicit:

Pro uno vel una

Orémus. Oratio

Omnípotens, sempitérne Deus, Pater Dómini nostri Jesu Christi, respícere dignáre super hunc fámulum tuum N., quem (hanc fámulam tuam N., quam) ad rudiménta fídei vocáre dignátus es: omnem cæcitátem cordis ab eo (ea) expélle: disrúmpe omnes láqueos sátanæ, quibus fúerat colligátus ( a): áperi ei, Dómine, jánuam pietátis tuæ, ut, signo sapiéntiæ tuæ imbútus ( a), ómnium cupiditátum fœtóribus cáreat, et ad suávem odórem præceptórum tuórum lætus ( a) tibi in Ecclésia tua desérviat, et profíciat de die in diem, ut idóneus ( a) efficiátur accédere ad grátiam Baptísmi tui, percépta medícina. Per eúmdem Christum Dóminum nostrum.

R. Amen.

Pro pluribus

Orémus. Oratio



Omnípotens, sempitérne Deus, Pater Dómini nostri Jesu Christi, respicére dignáre super hos fámulos tuos N. et N., quos (has fámulas tuas N. et N., quas) ad rudiménta fídei vocáre dignátus es: omnem cæcitátem es: omnem cæcitátem cordis ab eis expélle: disrúmpe omnes láqueos sátanæ, quibus fúerant colligáti ( æ): áperi eis, Dómine, jánuam pietátis tuæ, ut, signo sapiéntiæ tuæ imbúti ( æ), ómnium cupiditátum fœtóribus cáreant, et ad suávem odórem præceptórum tuórum læti ( æ) tibi in Ecclésia tua desérviant, et profíciant de die in diem, ut idónei ( æ) efficiántur accédere ad grátiam Baptísmi tui, percépta medicína. Per eúmdem Christum Dóminum nostrum.

R. Amen.

13. Deinde Sacerdos benedicit sal.

Benedictio salis



Exorcízo te, creatúra salis, in nómine Dei † Patris omnipoténtis, et in caritáte Dómini nostri Jesu † Christi, et in virtúte Spíritus † Sancti. Exorcízo te per Deum † vivum, per Deum † verum, per Deum † sanctum, per Deum †, qui te ad tutélam humáni géneris procreávit, et pópulo veniénti ad credulitátem per servos suos consecrári præcépit, ut in nómine sanctæ Trinitátis efficiáris salutáre sacraméntum ad effugándum inimícum. Proínde rogámus te, Dómine, Deus noster, ut hanc creatúram salis sanctificándo sancti † fices, et benedicéndo bene † dícas, ut fiat ómnibus accipiéntibus perfécta medicína, pérmanens in viscéribus eórum, in nómine ejúsdem Dómini nostri Jesu Christi, qui ventúrus est judicáre vivos et mórtuos, et sǽculum per ignem.

R. Amen.

Pro gentilibus et idololatris

14. Quod si Catechumenus fuerit gentilis, seu ex idololatris venerit ad fidem, benedicto sale, antequam ejus medicinam gustet, Sacerdos addat sequentem Orationem, quæ tamen pro venientibus ex Hebræis vel aliis, ut supra, non dicitur.

Pro uno vel una

Orémus. Oratio



Dómine sancte, Pater omnípotens, ætérne Deus, qui es, qui eras, et qui pérmanes usque in finem, cujus orígo nescítur, nec finis comprehéndi potest: te súpplices invocámus super hunc fámulum tuum N., quem (hanc fámulam tuam N., quam) liberásti de erróre gentílium, et conversatióne turpíssima: dignáre exaudíre eum, qui (eam, quæ) tibi cervíces suas humíliat ad lavácri fontem, ut, renátus ( a) ex aqua et Spíritu Sancto, exspoliátus ( a) véterem hóminem, índuat novum, qui secúndum te creátus est; accípiat vestem incorrúptam, et immaculátam, tibíque Deo nostro servíre mereátur. Per Christum Dóminum nostrum.

R. Amen.

Pro pluribus

Orémus. Oratio



Dómine sancte, Pater omnípotens, ætérne Deus, qui es, qui eras, et qui pérmanes usque in finem, cujus orígo nescítur, nec finis comprehéndi potest: te súpplices invocámus super hos fámulos tuos N. et N., quos (has fámulas tuas N. et N., quas) liberásti de erróre gentílium, et conversatióne turpíssima; dignáre exaudíre eos, qui (eas, quæ) tibi cervíces suas humíliant ad lavácri fontem, ut, renáti ( æ) ex aqua et Spíritu Sancto, exspoliáti ( æ) véterem hóminem, índuant novum, qui secúndum te creátus est; accípiant vestem incorrúptam et immaculátam, tibíque Deo nostro servíre mereántur. Per Christum Dóminum nostrum.

R. Amen.

15. Tunc pollice et indice accipit de ipso sale, et immittit in os Catechumeni, dicens (singulariter singulis):

N. Accipe sal sapiéntiæ: propitiátio sit tibi in vitam ætérnam.

R. Amen.

Sacerdos: Pax tibi.

R. Et cum spíritu tuo.

Pro uno vel una

Orémus. Oratio

Deus patrum nostrórum, Deus univérsæ cónditor veritátis, te súpplices exorámus, ut hunc fámulum tuum N. (hanc fámulam tuam N.) respícere dignéris propítius, et hoc primum pábulum salis gustántem, non diútius esuríre permíttas, quo minus cibo expleátur cælésti, quátenus sit semper spíritu fervens, spe gaudens, tuo semper nómini sérviens. Perduc eum (eam), Dómine, quǽsumus, ad novæ regeneratiónis lavácrum, ut cum fidélibus tuis promissiónum tuárum ætérna prǽmia cónsequi mereátur. Per Christum Dóminum nostrum.

R. Amen.

Pro Pluribus

Orémus. Oratio



Deus patrum nostrórum, Deus univérsæ cónditor veritátis, te súpplices exorámus, ut hos fámulos tuos N. et N. (has fámulas tuas N. et N.) respícere dignéris propítius, et hoc primum pábulum salis gustántes, non diútius esuríre permíttas, quo minus cibo expleántur cælésti, quátenus sint semper spíritu fervéntes, spe gaudéntes, tuo semper nómini serviéntes. Perduc eos (eas), Dómine, quǽsumus, ad novæ regeneratiónis lavácrum, ut cum fidélibus tuis promissiónum tuárum ætérna prǽmia cónsequi mereántur. Per Christum Dóminum nostrum.

R. Amen.

Si inter Electos adsint feminæ, recedant ipsæ in partem, quoadusque dictus fuerit pro masculis uterque Exorcismus, ut infra sub n. 21, pag. 26.

Pro uno masculo

16. Deinde Sacerdos dicit super masculum stantem:

Ora, Elécte, flecte génua, et dic: Pater noster.

Et Electus, genu flexo, orat, et dicit: Pater noster, usque ad Sed líbera nos a malo, inclusive.

Sacerdos subjungit: Leva, comple oratiónem tuam et dic: Amen.

Et ille surgens respondet: Amen.

Sacerdos dicit patrino: Signa eum.

Deinde Electo: Accéde.

Et patrinus pollice signat eum in fronte, dicens:

In nómine Patris, et Fílii, et Spíritus Sancti.

17. Tum Sacerdos quoque facit crucem in fronte ejus, dicens:

In nómine Patris, et Fílii, et Spíritus Sancti.

Deinde imponit manum super eum, et postea manum extensam tenens dicit:

Orémus. Oratio

Deus Abraham, Deus Isaac, Deus Jacob, Deus, qui Móysi fámulo tuo in monte Sínai apparuísti, et fílios Israël de terra Ægýpti eduxísti, députans eis Angelum pietátis tuæ, qui custodíret eos die ac nocte: te quǽsumus, Dómine; ut míttere dignéris sanctum Angelum tuum de cælis, qui simíliter custódiat et hunc fámulum tuum N. et perdúcat eum ad grátiam Baptísmi tui. Per Christum Dóminum nostrum.

R. Amen.

Exorcismus

Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spirítui Sancto, et recéde ab hoc fámulo Dei N., quia istum sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat eum), quod nos fronti ejus damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.

18. Sacerdos iterum dicit Electo:

Ora, Elécte, flecte génua, et dic: Pater noster.

Et Electus, genu flexo, orat, et dicit: Pater noster, usque ad Sed líbera nos a malo, inclusive.

Sacerdos subjungit: Leva, comple oratiónem tuam et dic: Amen.

Et ille surgens respondet: Amen.

Sacerdos dicit patrino: Signa eum.

Deinde Electo: Accéde.

Et patrinus pollice signat eum in fronte, dicens:

In nómine Patris, et Fílii, et Spíritus Sancti.

19. Tum Sacerdos quoque facit crucem in fronte ejus, dicens:

In nómine Patris, et Fílii, et Spíritus Sancti.

Deinde imponit manum super eum, et postea manum extensam tenens dicit:

Orémus. Oratio

Deus, immortále præsídium ómnium postulántium, liberátio súpplicum, pax rogántium, vita credéntium, resurréctio mortuórum: te ínvoco super hunc fámulum tuum N., qui Baptísmi tui donum petens, ætérnam cónsequi grátiam spirituáli regeneratióne desíderat: áccipe eum, Dómine, et quia dignátus es dícere: Pétite, et accipiétis; quǽrite, et inveniétis; pulsáte, et aperiétur vobis: peténti prǽmium pórrige, et jánuam pande pulsánti, ut ætérnam cæléstis lavácri benedictiónem consecútus, promíssa tui múneris regna percípiat: Qui cum Patre, et Spíritu Sancto vivis et regnas Deus in sǽcula sæculórum.

R. Amen.

Exorcismus

Audi, maledícte sátana, adjurátus per nomen ætérni Dei, et Salvatóris nostri Jesu Christi Fílii ejus, cum tua victus invídia, tremens, geménsque discéde: nihil tibi sit commúne cum servo Dei N., jam cæléstia cogitánte, renuntiatúro tibi et sǽculo tuo, et beátæ immortalitáti victúro. Da ígitur honórem adveniénti Spíritui Sancto, qui ex summa cæli arce descéndens, proturbátis fráudibus tuis, divíno fonte purgátum pectus, sanctificátum Deo templum et habitáculum perfíciat: ut, ab ómnibus pénitus nóxiis præteritórum críminum liberátus, servus Dei grátias perénni Deo réferat semper, et benedícat nomen sanctum ejus in sǽcula sæculórum.

R. Amen.

20. Sacerdos tertio dicit Electo:

Ora, Elécte, flecte génua, et dic: Pater noster.

Et Electus, genu flexo, orat, et dicit: Pater noster, usque ad Sed líbera nos a malo, inclusive.

Sacerdos subjungit: Leva, comple oratiónem tuam et dic: Amen.

Et ille surgens respondet: Amen.

Sacerdos dicit patrino: Signa eum.

Deinde Electo: Accéde.

Et patrinus pollice signat eum in fronte, dicens:

In nómine Patris, et Fílii, et Spíritus Sancti.

21. Tum Sacerdos quoque facit crucem in fronte ejus, dicens:

In nómine Patris, et Fílii, et Spíritus Sancti.

Deinde imponit manum super eum, et postea manum extensam tenens dicit:

Exorcismus

Exorcízo te, immúnde spíritus, in nómine Pa † tris, et Fí † lii, et Spíritus † Sancti, ut éxeas, et recédas ab hoc fámulo Dei N.: Ipse enim tibi ímperat, maledícte damnáte, qui pédibus super mare ambulávit, et Petro mergénti déxteram porréxit.

Exorcismus



Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spirítui Sancto, et recéde ab hoc fámulo Dei N., quia istum sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat eum), quod nos fronti ejus damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.



Pro pluribus masculis

16. Deinde Sacerdos dicit super masculos stantes:

Oráte, Elécti, fléctite génua, et dícite: Pater noster.

Et Electi, genu flexo, orant, et dicunt: Pater noster, usque ad Sed líbera nos a malo, inclusive.

Sacerdos subjungit: Leváte, compléte oratiónem vestram, et dícite: Amen.

Et illi surgentes respondent: Amen.

Sacerdos dicit patrinis: Signáte eos.

Deinde Electis: Accédite.

Et patrini pollice signant Electos suos in fronte, dicentes:

In nómine Patris, et Fílii, et Spíritus Sancti.

17. Tum Sacerdos quoque facit crucem in fronte singulorum, dicens:

In nómine Patris, et Fílii, et Spíritus Sancti.

Deinde imponit manum super singulos, et postea manum extensam tenens dicit:

Orémus. Oratio

Deus Abraham, Deus Isaac, Deus Jacob, Deus, qui Móysi fámulo tuo in monte Sínai apparuísti, et fílios Israël de terra Ægýpti eduxísti, députans eis Angelum pietátis tuæ, qui custodíret eos die ac nocte: te quǽsumus, Dómine; ut míttere dignéris sanctum Angelum tuum de cælis, qui simíliter custódiat et hos fámulos tuos N. et N. et perdúcat eos ad grátiam Baptísmi tui. Per Christum Dóminum nostrum.

R. Amen.

Exorcismus

Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spirítui Sancto, et recéde ab his fámulis Dei N. et N., quia istos sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat singulos), quod nos fronti eórum damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.

18. Sacerdos iterum dicit Electis:

Oráte, Elécti, fléctite génua, et dícite: Pater noster.

Et Electi, genu flexo, orant, et dicunt: Pater noster, usque ad Sed líbera nos a malo, inclusive.

Sacerdos subjungit: Leváte, compléte oratiónem vestram, et dícite: Amen.

Et illi surgentes respondent: Amen.

Sacerdos dicit patrinis: Signáte eos.

Deinde Electis: Accédite.

Et patrini pollice signant Electos suos in fronte, dicentes:

In nómine Patris, et Fílii, et Spíritus Sancti.

19. Tum Sacerdos quoque facit crucem in fronte singulorum, dicens:

In nómine Patris, et Fílii, et Spíritus Sancti.

Deinde imponit manum super singulos, et postea manum extensam tenens dicit:

Orémus. Oratio

Deus, immortále præsídium ómnium postulántium, liberátio súpplicum, pax rogántium, vita credéntium, resurréctio mortuórum: te ínvoco super hos fámulos tuos N. et N., qui, Baptísmi tui donum peténtes, ætérnam cónsequi grátiam spirituáli regeneratióne desíderant: áccipe eos, Dómine, et quia dignátus es dícere: Pétite, et accipiétis; quǽrite, et inveniétis; pulsáte, et aperiétur vobis: peténtibus prǽmium pórrige, et jánuam pande pulsántibus, ut ætérnam cæléstis lavácri benedictiónem consecúti, promíssa tui múneris regna percípiant: Qui cum Patre, et Spíritu Sancto vivis et regnas Deus, in sǽcula sæculórum.

R. Amen.

Exorcismus

Audi, maledícte sátana, adjurátus per nomen ætérni Dei, et Salvatóris nostri Jesu Christi Fílii ejus, cum tua victus invídia, tremens, geménsque discéde: nihil tibi sit commúne cum servis Dei N. et N., jam cæléstia cogitántibus, renunciatúris tibi et sǽculo tuo, et beátæ immortalitáti victúris. Da ígitur honórem adveniénti Spíritui Sancto, qui, ex summa cæli arce descéndens, proturbátis fráudibus tuis, divíno fonte purgáta péctora, sanctificáta Deo templa et habitácula perfíciat: ut, ab ómnibus pénitus nóxiis præteritórum críminum liberáti, servi Dei grátias perénni Deo réferant semper, et benedícant nomen sanctum ejus in sǽcula sæculórum.

R. Amen.

20. Sacerdos tertio dicit Electis:

Oráte, Elécti, fléctite génua, et dícite: Pater noster.

Et Electi, genu flexo, orant, et dicunt: Pater noster, usque ad Sed líbera nos a malo, inclusive.

Sacerdos subjungit: Leváte, compléte oratiónem vestram, et dícite: Amen.

Et illi surgentes respondent: Amen.

Sacerdos dicit patrinis: Signáte eos.

Deinde Electis: Accédite.

Et patrini pollice signant Electos suos in fronte, dicentes:

In nómine Patris, et Fílii, et Spíritus Sancti.

21. Tum Sacerdos quoque facit crucem in fronte singulorum, dicens:

In nómine Patris, et Fílii, et Spíritus Sancti.

Deinde imponit manum super singulos, et postea manum extensam tenens dicit:

Exorcismus

Exorcízo te, immúnde spíritus, in nómine Pa † tris, et Fí † lii, et Spíritus † Sancti, ut éxeas, et recédas ab his fámulis Dei N. et N.: Ipse enim tibi ímperat, maledícte damnáte, qui pédibus super mare ambulávit, et Petro mergénti déxteram porréxit.

Exorcismus



Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spirítui Sancto, et recéde ab his fámulis Dei N. et N., quia istos sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat singulos), quod nos fronti eórum damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.



Si inter Electos adsint feminæ, retrahunt se masculi in partem, et accedunt feminæ.

Pro una femina

22. Sacerdos dicit super Electam stantem:

Ora, Elécta, flecte génua, et dic: Pater noster.

Et Electa, genu flexo, orat, et dicit: Pater noster, usque ad Sed líbera nos a malo, inclusive.

Sacerdos subjungit: Leva, comple oratiónem tuam et dic: Amen.

Et illa surgens respondet: Amen.

Sacerdos dicit patrino vel matrinæ: Signa eam.

Deinde Electæ: Accéde.

Et patrinus vel matrina pollice signat eam in fronte, dicens:

In nómine Patris, et Fílii, et Spíritus Sancti.

23. Tum Sacerdos quoque facit crucem in fronte ejus, dicens:

In nómine Patris, et Fílii, et Spíritus Sancti.

Deinde imponit manum super eam, et postea manum extensam tenens dicit:

Orémus. Oratio



Deus cæli, Deus terræ, Deus Angelórum, Deus Archangelórum, Deus Patriarchárum, Deus Prophetárum, Deus Apostolórum, Deus Mártyrum, Deus Confessórum, Deus Vírginum, Deus ómnium bene vivéntium, Deus, cui omnis lingua confitétur, et omne genu fléctitur, cæléstium, terréstrium, et infernórum: te ínvoco, Dómine, super hanc fámulam tuam N., ut eam custodíre, et perdúcere dignéris ad grátiam Baptísmi tui. Per Christum Dóminum nostrum.

R. Amen.

Exorcismus

Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spíritui Sancto, et recéde ab hac fámula Dei N., quia istam sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat eam), quod nos fronti ejus damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.

24. Sacerdos iterum dicit Electæ:

Ora, Elécta, flecte génua, et dic: Pater noster.

Et Electa, genu flexo, orat, et dicit: Pater noster, usque ad Sed líbera nos a malo, inclusive.

Sacerdos subjungit: Leva, comple oratiónem tuam et dic: Amen.

Et illa surgens respondet: Amen.

Sacerdos dicit patrino vel matrinæ: Signa eam.

Deinde Electæ: Accéde.

Et patrinus vel matrina pollice signat eam in fronte, dicens:

In nómine Patris, et Fílii, et Spíritus Sancti.

25. Tum Sacerdos quoque facit crucem in fronte ejus, dicens:

In nómine Patris, et Fílii, et Spíritus Sancti.

Deinde imponit manum super eam, et postea manum extensam tenens dicit:

Orémus. Oratio

Deus Abraham, Deus Isaac, Deus Jacob, Deus, qui Móysi fámulo tuo in monte Sínai apparuísti, et fílios Israël de terra Ægýpti eduxísti, députans eis Angelum pietátis tuæ, qui custodíret eos die ac nocte: te quǽsumus, Dómine; ut míttere dignéris sanctum Angelum tuum de cælis, qui simíliter custódiat et hanc fámulam tuam N., et perdúcat eam ad grátiam Baptísmi tui. Per Christum Dóminum nostrum.

R. Amen.

Exorcismus

Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spirítui Sancto, et recéde ab hac fámula Dei N., quia istam sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat eam), quod nos fronti ejus damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.

26. Sacerdos tertio dicit Electæ:

Ora, Elécta, flecte génua, et dic: Pater noster.

Et Electa, genu flexo, orat, et dicit: Pater noster, usque ad Sed líbera nos a malo, inclusive.

Sacerdos subjungit: Leva, comple oratiónem tuam et dic: Amen.

Et illa surgens respondet: Amen.

Sacerdos dicit patrino vel matrinæ: Signa eam.

Deinde Electæ: Accéde.

Et patrinus vel matrina pollice signat eam in fronte, dicens:

In nómine Patris, et Fílii, et Spíritus Sancti.

27. Tum Sacerdos quoque facit crucem in fronte ejus, dicens:

In nómine Patris, et Fílii, et Spíritus Sancti.

Deinde imponit manum super eam, et postea manum extensam tenens dicit:

Exorcismus

Exorcízo te, immúnde spíritus, per Pa † trem, et Fí † lium, et Spíritum † Sanctum, ut éxeas, et recédas ab hac fámula Dei N. Ipse enim tibi ímperat, maledícte damnáte, qui cæco nato óculos apéruit, et quatriduánum Lázarum de monuménto suscitávit.

Exorcismus



Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spíritui Sancto, et recéde ab hac fámula Dei N., quia istam sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat eam), quod nos fronti ejus damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.



Pro pluribus feminis

22. Sacerdos dicit super Electas stantes:

Oráte, Eléctæ, fléctite génua, et dícite: Pater noster.

Et Electæ, genu flexo, orant et dicunt: Pater noster, usque ad Sed líbera nos a malo, inclusive.

Sacerdos subjungit: Leváte, compléte oratiónem vestram, et dícite: Amen.

Et illæ surgentes respondent: Amen.

Sacerdos dicit patrinis vel matrinis: Signáte eas.

Deinde Electis: Accédite.

Et patrini vel matrinæ pollice signant Electas suas in fronte, dicentes:

In nómine Patris, et Fílii, et Spíritus Sancti.

23. Tum Sacerdos quoque facit crucem in fronte singularum, dicens:

In nómine Patris, et Fílii, et Spíritus Sancti.

Deinde imponit manum super singulas, et postea manum extensam tenens dicit:

Orémus. Oratio

Deus cæli, Deus terræ, Deus Angelórum, Deus Archangelórum, Deus Patriarchárum, Deus Prophetárum, Deus Apostolórum, Deus Mártyrum, Deus Confessórum, Deus Vírginum, Deus ómnium bene vivéntium, Deus, cui omnis confitétur, et omne genu fléctitur, cæléstium, terréstrium, et infernórum: te ínvoco, Dómine, super has fámulas tuas N. et N., ut eas custodíre, et perdúcere dignéris ad grátiam Baptísmi tui. Per Christum Dóminum nostrum.

R. Amen.

Exorcismus

Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spíritui Sancto, et recéde ab his famulábus Dei N. et N., quia istas sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat singulas), quod nos fronti eárum damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.

24. Sacerdos iterum dicit Electis:

Oráte, Eléctæ, fléctite génua, et dícite: Pater noster.

Et Electæ, genu flexo, orant, et dicunt: Pater noster, usque ad Sed líbera nos a malo, inclusive.

Sacerdos subjungit: Leváte, compléte oratiónem vestram, et dícite: Amen.

Et illæ surgentes respondent: Amen.

Sacerdos dicit patrinis vel matrinis: Signáte eas.

Deinde Electis: Accédite.

Et patrini vel matrinæ pollice signant Electas suas in fronte, dicentes:

In nómine Patris, et Fílii, et Spíritus Sancti.

25. Tum Sacerdos quoque facit crucem in fronte singularum, dicens:

In nómine Patris, et Fílii, et Spíritus Sancti.

Deinde imponit manum super singulas, et postea manum extensam tenens dicit:

Orémus. Oratio

Deus Abraham, Deus Isaac, Deus Jacob, Deus, qui Móysi fámulo tuo in monte Sínai apparuísti, et fílios Israël de terra Ægýpti eduxísti, députans eis Angelum pietátis tuæ, qui custodíret eos die ac nocte: te quǽsumus, Dómine; ut míttere dignéris sanctum Angelum tuum de cælis, qui simíliter custódiat et has fámulas tuas N. et N., et perdúcat eas ad grátiam Baptísmi tui. Per Christum Dóminum nostrum.

R. Amen.

Exorcismus

Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spirítui Sancto, et recéde ab his famulábus Dei N. et N., quia istas sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat singulas), quod nos fronti eárum damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.

26. Sacerdos tertio dicit Electis:

Oráte, Eléctæ, fléctite génua, et dícite: Pater noster.

Et Electæ, genu flexo, orant, et dicunt: Pater noster, usque ad Sed líbera nos a malo, inclusive.

Sacerdos subjungit: Leváte, compléte oratiónem vestram, et dícite: Amen.

Et illæ surgentes respondent: Amen.

Sacerdos dicit patrinis vel matrinis: Signáte eas.

Deinde Electis: Accédite.

Et patrini vel matrinæ pollice signant Electas suas in fronte, dicentes:

In nómine Patris, et Fílii, et Spíritus Sancti.

27. Tum Sacerdos quoque facit crucem in fronte singularum, dicens:

In nómine Patris, et Fílii, et Spíritus Sancti.

Deinde imponit manum super singulas, et postea manum extensam tenens dicit:

Exorcismus

Exorcízo te, immúnde spíritus, per Pa † trem, et Fí † lium, et Spíritum † Sanctum, ut éxeas, et recédas ab his famulábus Dei N. et N. Ipse enim tibi ímperat, maledícte damnáte, qui cæco nato óculos apéruit, et quatriduánum Lázarum de monuménto suscitávit.

Exorcismus



Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spíritui Sancto, et recéde ab his famulábus Dei N. et N., quia istas sibi Deus et Dóminus noster Jesus Christus ad suam sanctam grátiam, fontémque Baptísmatis vocáre dignátus est: et hoc signum sanctæ Cru † cis (signat singulas), quod nos fronti eárum damus, tu, maledícte diábole, numquam áudeas violáre. Per eúmdem Christum Dóminum nostrum, qui ventúrus est judicáre vivos et mórtuos, et sǽculum per ignem.

R. Amen.



Pro omnibus

Postmodum accedunt iterum masculi, qui se retraxerant, et ipsi ad dexteram, feminæ vero ad sinistram Sacerdotis, ut in principio, disponuntur.

28. Tum Sacerdos imponit manum super Electum, vel si sint plures, super singulos, tam masculos quam feminas, et postea manum extensam tenens dicit (in plurali pro pluribus, tam masculis quam feminis):

Pro uno vel una

Orémus. Oratio



Ætérnam ac justíssimam pietátem tuam déprecor, Dómine sancte, Pater omnípotens, ætérne Deus, auctor lúminis et veritátis, super hunc fámulum tuum N. (hanc fámulam tuam N.), ut dignéris eum (eam) illumináre lúmine intelligéntiæ tuæ: munda eum (eam), et sanctífica: da ei sciéntiam veram, ut dignus ( a) efficiátur accédere ad grátiam Baptísmi tui, téneat firmam spem, consílium rectum, doctrínam sanctam, ut aptus ( a) sit ad percipiéndam grátiam tuam. Per Christum Dóminum nostrum.

R. Amen.

Pro pluribus

Orémus. Oratio



Ætérnam ac justíssimam pietátem tuam déprecor, Dómine sancte, Pater omnípotens, ætérne Deus, auctor lúminis et veritátis, super hos fámulos tuos N. et N. (has fámulas tuas N. et N.), ut dignéris eos (eas) illumináre lúmine intelligéntiæ tuæ: munda eos (eas), et sanctífica: da eis sciéntiam veram, ut digni ( æ) efficiántur accédere ad grátiam Baptísmi tui, téneant firmam spem, consílium rectum, doctrínam sanctam, ut apti ( æ) sint ad percipiéndam grátiam tuam. Per Christum Dóminum nostrum.

R. Amen.

29. His peractis, Sacerdos sinistra manu apprehendens dexteram Electi prope brachium, vel ei porrigens extremam partem stolæ, ex humero sinistro pendentem, introducit eum in ecclesiam; et si Electi sint plures, primus sinistra manu trahit secundum, et secundus tertiam, etc.

Dum autem Sacerdos illum vel illos introducit, dicit:

Pro uno vel una

N. Ingrédere in sanctam ecclésiam Dei, ut accípias benedictiónem cæléstem a Dómino Jesu Christo, et hábeas partem cum illo et Sanctis ejus.

R. Amen.

Pro pluribus

N. et N. Ingredímini in sanctam ecclésiam Dei, ut accipiátis benedictiónem cæléstem a Dómino Jesu Christo, et habeátis partem cum illo et Sanctis ejus.

R. Amen.

30. Et ingressus Electus procumbit, seu prosternit se in pavimento, et adorat (si plures, omnes simul).

31. Deinde surgit (si plures, omnes simul), et Sacerdos imponit manum super caput ejus (singulorum, si plures), et Electus cum eo recitat Symbolum Apostolorum, et Orationem Dominicam.

32. Ita etiam si plures sint, omnes simul recitant:

Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.

Pater noster, qui es in cælis, sanctificétur nomen tuum. Advéniat regnum tuum. Fiat volúntas tua, sicut in cælo, et in terra. Panem nostrum quotidiánum da nobis hódie. Et dimítte nobis débita nostra, sicut et nos dimíttimus debitóribus nostris. Et ne nos indúcas in tentatiónem: sed líbera nos a malo. Amen.

33. Tunc Sacerdos, versis renibus ostio cancellorum Baptisterii, rursus imponit manum super caput Electi (singulorum Electorum), et postea manum extensam tenens dicit:

Exorcismus

Pro uno vel una



Nec te latet, sátana, imminére tibi pœnas, imminére tibi torménta, imminére tibi diem judícii, diem supplícii sempitérni; diem, qui ventúrus est velut clíbanus ardens, in quo tibi, atque univérsis ángelis tuis præparátus sempitérnus erit intéritus. Proínde damnáte, atque damnánde, da honórem Deo vivo et vero, da honórem Jesu Christo Fílio ejus, da honórem Spíritui Sancto Paráclito, in cujus nómine atque virtúte præcípio tibi, quicúmque es, spíritus immúnde, ut éxeas, et recédas ab hoc fámulo Dei N., quem (hac fámula Dei N., quam) hódie idem Deus et Dóminus noster Jesus Christus ad suam sanctam grátiam et benedictiónem, fontémque Baptísmatis dono vocáre dignátus est: ut fiat ejus templum per aquam regeneratiónis in remissiónem ómnium peccatórum. In nómine ejúsdem Dómini nostri Jesu Christi, qui ventúrus est judicáre vivos et mórtuos, et sǽculum per ignem.

R. Amen.

Pro pluribus

Nec te latet, sátana, imminére tibi pœnas, imminére tibi torménta, imminére tibi diem judícii, diem supplícii sempitérni; diem, qui ventúrus est velut clíbanus ardens, in quo tibi, atque univérsis ángelis tuis præparátus sempitérnus erit intéritus. Proínde damnáte, atque damnánde, da honórem Deo vivo et vero, da honórem Jesu Christo Fílio ejus, da honórem Spíritui Sancto Paráclito, in cujus nómine atque virtúte præcípio tibi, quicúmque es, spíritus immúnde, ut éxeas, et recédas ab his fámulis Dei N. et N., quos (his famulábus Dei N. et N., quas) hódie idem Deus et Dóminus noster Jesus Christus ad suam sanctam grátiam et benedictiónem, fontémque Baptísmatis dono vocáre dignátus est: ut fiant ejus templum per aquam regeneratiónis in remissiónem ómnium peccatórum. In nómine ejúsdem Jesu Christi, qui ventúrus est judicáre vivos et mórtuos, et sǽculum per ignem.

R. Amen.

34. Postea Sacerdos pollice accipit de saliva oris sui (quod omittitur quotiescumque rationabilis adest causa munditiei tuendæ aut periculum morbi contrahendi vel propagandi quin tamen in tali casu tactus præscriptus cum sua formula omittatur); et tangit aures et nares Electi (singulorum Electorum).

Tangendo vero aurem dexteram et sinistram, dicit:

Ephpheta, quod est, Adaperíre.

Deinde tangendo nares, dicit:

In odórem suavitátis. Tu autem effugáre, diábole; appropinquábit enim judícium Dei.

35. Deinde interrogat Electum (singulos, si plures):

Quis vocáris?

Et ipse respondet: N.

Interrogat: N. Abrenúntias sátanæ?

R. Abrenúntio.

Interrogat: Et ómnibus opéribus ejus?

R. Abrenúntio.

Interrogat: Et ómnibus pompis ejus?

R. Abrenúntio.

Unctio Olei

36. Tum Sacerdos intingit pollicem dexteræ manus in Oleo sancto Catechumenorum, et inungit Electum (singulos Electos) primum in pectore, deinde inter scapulas in modum crucis, dicens (singulariter singulis):

Ego te línio † óleo salútis in Christo Jesu Dómino nostro, ut hábeas vitam ætérnam.

R. Amen.

V. Pax tibi.

R. Et cum spíritu tuo.

37. Mox bombacio, vel re simili, tergit pollicem et loca inuncta, et subjungit, dicens (singulis, si plures):

Exi, immúnde spíritus, et da honórem Deo vivo et vero. Fuge, immúnde spíritus, et da loco Jesu Christo Fílio ejus. Recéde immúnde spíritus, et da locum Spíritui Sancto Paráclito.

Stans sibi extra cancellos, Sacerdos deponit pluviale ac stolam coloris violacei, et sumit stolam ac pluviale albi coloris.

Tunc ducitur Electus ad Baptisterium: ubi si ob aliquam causam non habeatur, sive præparata non fuerit aqua baptismalis, fiat benedictio Fontis, ut infra ponitur, pag. 53.

In Baptisterio

Et cum fuerit prope Fontem, Sacerdos interrogat Electum (singulos, si plures):

Quis vocáris?

Respondet: N.

38. Interrogat (singulos, si plures):

Credis in Deum Patrem omnipoténtem, Creatórem cæli et terræ?

R. Credo.

Interrogat (singulos si plures): Credis in Jesum Christum, Fílium ejus únicum, Dóminum nostrum, natum, et passum?

R. Credo.

Interrogat (singulos, si plures): Credis et in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, et vitam ætérnam?

R. Credo.

Iterum interrogat (singulos, si plures): N. Quid petis?

Respondet: Baptísmum.

Interrogat (singulos, si plures): Vis baprizári?

Respondet: Volo.

Baptismus

39. Tunc patrino, vel matrina, vel utroque (si ambo admittantur), admota manu, tenente seu tangente Electum, vel Electam, aperto capite, et laxatis a collo vestibus, inclinatum, Sacerdos vasculo vel urceolo haurit aquam baptismalem de Fonte, et cum ea sub trina supra caput in modum crucis infusione baptizat Electum, seu Electam, in nomine Sanctissimæ Trinitatis, sic dicens:

N. Ego te baptízo in nómine Pa † tris, fundit primo; et Fí † lii, fundit secundo; et Spíritus † Sancti, fundit tertio.

40. Si aqua, quæ ex capite baptizati defluit, non dilabatur in sacrarium Baptisterii, recipiatur in subjecta aliqua pelvi, et in illud postmodum projiciatur.

Cum plures sunt Electi, singillatim singuli interrogantur et baptizantur, ut supra. Si sint mares et feminæ, primum mares, deinde feminæ.

Verum si probabiliter dubitetur, an Electus fuerit alias baptizatus, dicat Sacerdos:

N. Si non es baptizátus ( a), ego te baptízo in nómine Pa † tris, et Fí † lii, et Spíritus † Sancti.

Unctio Chrismatis, etc.

41. Deinde Sacerdos intingit pollicem dexterum in sacro Chrismate, et perungit verticem Electi (singulorum Electorum) in modum crucis dicens:



Deus omnípotens, Pater Dómini nostri Jesu Christi, qui te regenerávit ex aqua et Spíritu Sancto, quique dedit tibi remissiónem ómnia peccatórum (hic inungit), ipse te líniat † Chrismáte salútis in eódem Christo Jesu Dómino nostro in vitam ætérnam.

R. Amen.

V. Pax tecum.

R. Et cum spíritu tuo.

42. Tunc bombacio vel re simili pollicem tergit, et imponit capiti Electi chrismale, seu candidum linteolum, et dat illi vestem candidam, dicens (singulis, si plures):

Accipe vestem cándidam, quam pérferas immaculátam ante tribúnal Dómini nostri Jesu Christi, ut hábeas vitam ætérnam.

R. Amen.

43. Et Electus deponit priores vestes, et induitur novis albi coloris, vel saltem exteriore candida, quam a Sacerdote accepit.

Postea dat ei Sacerdos cereum, seu candelam accensam in manu dextera, dicens (singulis, si plures):

Accipe lámpadem ardéntem, et irreprehensíbilis custódi Baptísmum tuum: serva Dei mandáta, ut, cum Dóminus vénerit ad núptias, possis occúrrere ei una cum ómnibus Sanctis in aula cælésti et vivas in sǽcula sæculórum.

R. Amen.

44. Ipse vero Neophytus eumdem cereum accensum manu tenet usque in finem, præterquam dum confirmatur.

45. In ecclesiis autem, ubi Baptismus fit per immersionem, sive totius corporis, sive capitis tantum, Sacerdos accipit Electum per brachia prope humeros, et superiore parte corporis nudatum, reliqua honeste contectum, ter illum, vel caput ejus immergendo, et toties elevando, baptizat sub trina immersione, sanctam Trinitatem semel tantum sic invocando: N. Ego te baptízo in nómine Pa † ris, immergit primo, et Fí † lii, immergit iterum, et Spíritus † Sancti, immergit tertio; patrino vel matrina, vel utroque eum tenente, vel tangente.

46. Et cum Electus surrexerit de Fonte, patrinus vel matrina cum linteo in manibus suscipit eum de manu Sacerdotis: et Sacerdos intincto pollice dextero in sacro Chrismate, illum in vertice in modum crucis per ungit, dicens: Deus omnípotens, etc., pag. 32.

47. Deinde Sacerdos imponit capiti ejus linteolum, seu chrismale, et dat ei vestem candidam, dicens: Accipe vestem cándidam, etc., ut supra.

48. Et statim prædicto linteo abstergitur, et in loco semoto vestitur novis et albis vestibus, et exteriore candida, quam accepit.

49. Postea dat ei Sacerdos candelam accensam in dextera manu, dicens: Accipe lámpadem, etc., ut supra.

Eodem modo, si plures sint, fit pro singulis.

50. Postea Sacerdos dicit:

Pro uno vel una

N. Vade in pace, et Dóminus sit tecum.

R. Amen.

Pro pluribus

N. et N. Ite in pace, et Dóminus sit vobíscum.

R. Amen.

51. Ritus superius descriptus servandus est etiam a Diacono Baptismum solemnem ministrante, qui tamen sale et aqua utetur a Sacerdote ad hunc usum rite prius benedictis.

52. Si adsit Episcopus, qui id legitime præstare possit, ab eo Neophyti Sacramento Confirmationis initiantur.

Deinde si hora sit congruens, celebratur Missa, cui Neophyti intersunt, et Sanctissimam Eucharistiam devote suscipiunt.

53. Si vero ob baptizandorum multitudinem, ut quandoque contingit, in singulorum Baptismo præscripti ritus ad Baptismi essentiam non pertinentes adhiberi non possint, tunc vel pluribus simul adhibeantur, vel urgente necessitate omittantur.

1   2   3   4   5   6   7   8   9   ...   45


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət