Ana səhifə

Press-reliZ 18 yanvar 2011-cu IL Bakı, Azərbaycan


Yüklə 21.39 Kb.
tarix18.07.2016
ölçüsü21.39 Kb.
R A T İ

Reportyorların Azadlıq və Təhlükəsizlik İnstitutu


PRESS-RELİZ
18 yanvar 2011-cu il

Bakı, Azərbaycan


  • ELAN!

  • ELAN!

  • JURNALİSTLƏR 4 HƏFTƏLİK TRENİNQLƏRƏ DƏVƏT EDİLİR

  • 103.3 DALĞASINA ELAN EDİLMİŞ RADİO MÜSABİQƏSİNİN NƏTİCƏLƏRİ AÇIQLANDI

  • HƏBS EDİLƏN İSLAMÇILARIN HÜQUQLARININ MÜDAFİƏSİ KOMİTƏSİ YARADILDI


ELAN!

19 YANVAR SAAT 11.00-DA Reportyorların Azadlıq və Təhlükəsizlik İnstitutunun (RATİ) mətbuat mərkəzində İnsan Hüquqları Klubu (İHK) tərəfindən dəyirmi masa keçiriləcək. Dəyirmi masada son günlərdə Azərbaycanda həyata keçirilmiş həbslər (İslam Partiyası nümayəndələri və Milli Dövlətçilik Partiyasının lideri Nemət Pənahlı), eyni zamanda vətəndaş Elvin Əsgərovun ölümü ilə bağlı müzakirələr aparılacaq, İnsan Hüquqları Klubunun bu məsələlərlə bağlı növbəti addımları müəyyənləşdiriləcək.

Tədbirə jurnalistlər, hüquq müdafiəçiləri və diplomatik korpus nümayəndələri dəvətlidirlər.



ELAN!

19 YANVAR SAAT 14.00-DA Reportyorların Azadlıq və Təhlükəsizlik İnstitutunun (RATİ) mətbuat mərkəzində 103.3 FM tezliyi üzrə müsabiqənin nəticələrindən narazı iddiaçılar - "Obyektiv – Televiziya və Radio Yayım Şirkəti" MMC ("Radio Obyektiv")  və fiziki şəxs - Cəfərov Rəsul Ağahəsən oğlu ("Alternativ radio") birgə mətbuat konfransı keçirəcəklər.

Tədbirə jurnalistlər, hüquq müdafiəçiləri və diplomatik korpus nümayəndələri dəvətlidirlər.



JURNALİSTLƏR 4 HƏFTƏLİK TRENİNQLƏRƏ DƏVƏT EDİLİR
Treninqlərdə araşdırmaçı jurnalistika, xəbər və məqalə yazma, jurnalist etikası və yeni media məsələləri müzakirə ediləcək. Treninqlər həftənin çərşənbə axşamı və cümə axşamı günləri Reportyorların Azadlıq və Təhlükəsizlik İnstitunun Mətbuat Mərkəzində (R.Behbudov küçəsi 8, mən 85/86) saat 19:30-20:30 arasında keçiriləcək. Treninq “Vaşinqon Post” qəzetinin keçmiş müxbiri və hazırda Fulbrayt proqramı ilə Azərbaycanda səfərdə olan Amanda Erikson tərəfindən keçirilir.

Treninqdə iştirak etmək arzusunda olanlardan yanvarın 28-ə qədər irfs.az@gmail.com elektron ünvanına bu barədə yazmaları xahiş olunur.

Treninqlər fevralın 1-dən başlanacaq.
103.3 DALĞASINA ELAN EDİLMİŞ RADİO MÜSABİQƏSİNİN NƏTİCƏLƏRİ AÇIQLANDI

Milli Televiziya və Radio Şurası yanvarın 13-də 103.3 FM tezliyində yayım üzrə müsabiqənin qalibini elan edib. Bu, “Golden Prince” şirkətidir. Şirkətin radiostansiyası “Azad xəbər” adlanır, amma efirə ”Araz” adı ilə çıxacaq.

    Radiostansiya nümayəndələri yerli və xarici auditoriyanı əhatə etməyi planlaşdırır. Yeni radio sovet dövründə orta dalğalarda yayımlanan və yaxın şərqdə məşhur olan “Araz” radiostansiyasının yerini tutmağa iddia edir.

    “Golden Prince” şirkətindən başqa müsabiqədə “Obyektiv teleradio şirkət”» kiçik müəssisəsi və hüquq müdafiəçisi Rəsul Cəfərov iştirak edib. “Obyektiv”in təsisçiləri “Turan” agentliyinin direktoru Mehman Əliyev və «Reportyorların Azadlıq və Təhlükəsizlik İnstitutu» İctima Birliyinin rəhbəri Emin Hüseynovdur. “Obyektiv” nümayəndələri münsiflərin suallarına kifayət qədər ətraflı və arqumentlərlə cavab veriblər və heç bir sualı cavabsız qoymayıblar. Əliyev və Hüseynov bildiriblər ki, onların təmsil etdikləri qurumlar radiostansiyanın yüksək peşəkarlıqla işini təmin etmək üçün zəruri kadr potensialına və təcrübəyə malikdirlər. Amma münsiflər heyəti müstəqil Azərbaycanda informasiya sahəsində pioner olan və müstəqil KİV adını qoruyub saxlamaqda davam edən “Turan” agentliyinin dəlillərini və çoxillik təcrübəsini diqqətə almayıb.

     Nəticədə radio yayım üçün tezlik bu günə qədər KİV dairələrində tanınmayan şirkətə verilib. Maraqlıdır ki, Hüseynovun israr etməsinə baxmayaraq, “Golden Prince” şirkətinin təsisçilərinin adları açıqlanmayıb ki, bu da qanun pozuntusudur.

    Qeyd edək ki, 2009-cu ilə qədər 103.3 tezliyində BBC radiostansiyası yayımlanırdı. Lakin yanvarın 1-dən hökumət BBC-nin və eyni zamanda «Amerikanın səsi» və «Azadlıq» radiolarının yerli tezliklərdə yayımını dayandırıb.

    Hazırda Azərbayjanın FM tezliklərində 11 radio yayımlanır və onlarda alternativ baxış və fikirlər, demək olar ki, səslənmir.
HƏBS EDİLƏN İSLAMÇILARIN HÜQUQLARININ MÜDAFİƏSİ KOMİTƏSİ YARADILDI

“Azərbaycanda qanunun aliliyi, vətəndaşların isə hüquqları yoxdur”. Bunu Reportyorların Azadlıq və Təhlükəsizlik İnstitutunun mətbuat mərkəzində keçirilən mətbuat konfransında  İslam Partiyası sədrinin müavini Natiq Kərimov deyib.

   Onun sözlərinə görə, hakimiyyət öz opponentləri ilə mübarizə üçün yeni taktika tətbiq edir: “İnzibati qaydada saxlamalar, sonra cinayət ittihamının irəli sürülməsi, silah atılması. Məhz islamçılara qarşı bu cür həbslər və repressiyalar aparılır. Buna İslam Partiyasının sədri Mövsüm Səmədovun yanvarın 2-də partiyanın Ali Məclisin iclasındakı tənqidi çıxışı səbəb olub”, - deyə qeyd edən   Kərimovun sözlərinə görə, tənqid ədalətli olub və İslam Partiyasının mövqeyini əks etdirir.

“Qoy, bizi qorxutmasınlar, biz mübarizəni davam etdirəcəyik. Bizi aradan götürsələr, yerimizə yeni nəsil gələcək”, - deyə Kərimov vurğulayıb.

   O həmçinin şikayətlənib ki, müxtəlif bəhanələrlə İslam Partiyasının nümayəndələrinə digər yerlərdə mətbuat konfransı keçirməyə imkan verməyiblər. 

   “Bakıda partiyanın yeddi üzvü inzibati həbsə məruz qalıb. İki nəfərin barəsində cinayət işi qaldırılıb: Dəyanət Səmədova Cinayət Məcəlləsinin 228-ci(qanunsuz silah saxlamaq),  İlqar Musayevə isə  221.3-cü (xuliqanlıq) maddəsi ilə cinayət işi açılıb . Gəncə şəhərində isə 10 nəfər bir neçə sutka müddətinə həbsə məruz qalıb.  Partiya lideri Mövsüm Səmədovun barəsində isə hələlik rəsmi ittiham irəli sürülməyib.   İslam Partiyasının sədr müavini Vaqif Abdullayev 10 sutkalığa həbs olunub. Bundan sonra isə onun haqqında üç ay müddətinə həbs qətimkan tədbiri seçilib. Hazırda onun harada olduğunu heç kim bilmir”, - deyə Kərimov vurğulayıb.

   Tədbirin sonunda isə həbsdə olan islamçıların hüquqlarının müdafiəsi komitəsi yaradıldı.


MƏLUMATLARIMIZDAN İSTİFADƏ EDƏRKƏN RATİ-YƏ İSTİNAD EDİN

 

Reportyorların Azadlıq və Təhlükəsizlik İnstitutu (RATİ)



Ünvan: Azərbaycan, Bakı şəh., Behbudov 8, mənzil 85/86

tel: (+99 412) 418-03-34, fax: (+ 99 412) 598-45-19

e-mail: irfs.az@gmail.com

web: www.irfs.az skype: irfs.az


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət