Ana səhifə

Press-reliZ 09 avqust 2011-ci IL Bakı, Azərbaycan


Yüklə 20.34 Kb.
tarix24.06.2016
ölçüsü20.34 Kb.
R A T İ

Reportyorların Azadlıq və Təhlükəsizlik İnstitutu


PRESS-RELİZ
09 avqust 2011-ci il

Bakı, Azərbaycan


  • ELAN!

  • ELAN!

  • XÜSUSİ DÖVLƏT MÜHAFİZƏ İDARƏSİ QANUNSUZ OLARAQ RATİ-YƏ MƏXSUS YADDAŞ KARTINI MÜSADİRƏ EDİB

  • JURNALİST BARƏDƏ YAYILMIŞ GİZLİ LENT YAZISINA GÖRƏ MƏHKƏMƏ PROSESİ BAŞLANDI

  • ENERJİ OĞURLUĞUNDA İTTİHAM EDİLƏN JURNALİSTİN MƏHKƏMƏSİ BAŞLAMAQ ÜZRƏDİR


ELAN!

10 AVQUST SAAT 12.00-DA Reportyorların Azadlıq və Təhlükəsizlik İnstitutunun (RATİ) Mətbuat Mərkəzində vətəndaş Rafail Məmmədov üzləşdiyi mənzil hüququnun pozulması ilə bağlı mətbuat konfransı keçirəcək.

 Tədbirə jurnalistlər, hüquq müdafiəçiləri və diplomatik korpus nümayəndələri dəvətlidirlər.



ELAN!

11 AVQUST SAAT 12.00-DA Reportyorların Azadlıq və Təhlükəsizlik İnstitutunun (RATİ) Mətbuat Mərkəzində “Yevlax Avtovağzal” ASC-nin sədri Bəhrəm Məmmədov sahibkarlıq hüququnun pozulmasına dair mətbuat konfransı keçirəcək.

 Tədbirə jurnalistlər, hüquq müdafiəçiləri və diplomatik korpus nümayəndələri dəvətlidirlər.


XÜSUSİ DÖVLƏT MÜHAFİZƏ İDARƏSİ QANUNSUZ OLARAQ RATİ-YƏ MƏXSUS YADDAŞ KARTINI MÜSADİRƏ EDİB
Bu gün (09 avqust) Fəxri Xiyabanda anasının vəfat etməsində həkimləri günahkar hesab edən və şikayətinin araşdırılmadığını əsas gətirən vətəndaş İlqar İbrahimovun mərhum prezident Heydər Əliyevin məzarına şikayət etməsi səhnəsini lentə alan “Obyektiv” onlayn televiziyanın əməkdaşı (Obyektiv TV “Turan” İnformasiya Agentliyi və RATİ-nin birgə həyata keçirdiyi layihədir) Mirrəhim Həsənov və “Bizim yol” qəzetinin əməkdaşı Sevinc Vaqifqızı (Abbasova) Xüsusi Dövlət Mühafizə İdarəsinin əməkdaşları tərəfindən saxlanılıb.

Belə ki, ilk olaraq jurnalistləri Fəxri Xiyabanın mühafizəçiləri saxlayıblar. Daha sonra onlar Xüsusi Dövlət Mühafizə İdarəsinin əməkdaşlarına təhvil verilib. Xüsusi Dövlət Mühafizə İdarəsinin əməkdaşları isə onları Prezident Aparatına apararaq M.Həsənovun kamerasında olan RATİ-yə məxsus 100 manat dəyərində olan yaddaş kartını qanunsuz olaraq müsadirə ediblər. S.Vaqıfqızı isə əl telefonu ilə çəkdiyi şəkilləri adı çəkilən idarənin əməkdaşlarının tələbindən sonra özü silib.



JURNALİST BARƏDƏ YAYILMIŞ GİZLİ LENT YAZISINA GÖRƏ MƏHKƏMƏ PROSESİ BAŞLANDI

Bu gün (9 avqust) Yasamal rayon Məhkəməsində hakim Anar Rzayevin sədrliyi ilə jurnalist Natiq Güləhmədoğlunun (Ədilov) “Lider” televiziyası və “Afra otelə” qarşı qaldırdığı iddia üzrə məhkəmə hazırlıq iclası keçirildi.

            Prosesdə iddiaçı N. Ədilov və nümayəndəsi İntiqam Əliyev iştirak etdiyi halda cavabdeh tərəfdən heç kim prosesə qatılmamışdı.

            İddiaçının nümayəndəsi İ.Əliyev vəsatət qaldıraraq, soyunma otağına otel işçilərindən kimlərin daxil olması və daxil olanların qeydiyyatlarının aparılırması, otaqlarda təhlükəsizlik kameralarının yerləşdirilməsinə dair görüntülərin şikayətçiyə təqdim edilməsini məhkəmədən xahiş etdi. İ. Əliyev eyni zamanda bu iş üzrə digər bir iddiaçı olan jurnalist Qan Turalın (Tural Cəfərov) işinin də eyni icraatda birləşdirilməsi barədə hakimə müraciət etdi.

Hakim A.Rzayev adıçəkilən iş üzrə icraat dayandırılaraq ekspertizaya göndərildiyindən bunun mümkün olmayacağını, işi baxışa təyin etdiyini deyərək prosesi 24 avqust saat 14:30-a təyin etdi.

            Xatırladaq ki, jurnalistlər 15 aprel 2011-ci il tarixində Qan Turalı və  Natiq Ədilovun Oğuz rayonunda olan təlim zamanı yaşadıqları otel otağında gizli yerləşdirilmiş kamera vasitəsilə çəkilmiş videogörüntüləri “Lider” Televiziyasında yayımlanmışdı və Natiq Ədilov şəxsi həyatına hörmət hüququnun tanınması, cavabdehin üzərinə şikayətçidən üzr istənilməsi vəzifəsinin qoyulması, özəl həyatın toxunulmazlığı, şərəf və ləyaqətin müdafiəsinə dair iddiası ilə cavabdehlərin hər birindən onlara vurulan mənəvi ziyana görə 100 000 AZN təzminat ödənilməsi barədə tələblə Yasamal rayon Məhkəməsinə müraciət edib.


ENERJİ OĞURLUĞUNDA İTTİHAM EDİLƏN JURNALİSTİN MƏHKƏMƏSİ BAŞLAMAQ ÜZRƏDİR

Şərur rayon prokurorluğu tərəfindən Reportyorların Azadlıq və Təhlükəsizlik İnstitutunun bölgə müxbiri Həkimeldostu Mehdiyevə qarşı CM-nin 189-1.1-ci maddəsi ilə (elektrik enerjisi oğurlamaq) açılmış cinayət işi bir həftə sonra məhkəməyə göndəriləcək. Bu barədə H.Mehdiyevin özü bildirib.

O, dünən (8 avqust) yenidən Şərur rayon prokuroru Kamil Şükürovun yanına çağırılıb. Prokuror növbəti dəfə hüquq müdafiəçisindən xarici pasportunu gətirməyi tələb edib, baxmayaraq ki, bu sənədin cinayət işinin təhqiqatı ilə heç bir əlaqəsi yoxdur. Buna görə, Mehdiyev pasportunu verməkdən imtina edib, o, hakimiyyətin onun yerdəyişmə azadlığını məhdudlaşdırmaq istədiyini düşünür.

Mehdiyev 1050 manatlıq elektrik enerjisindən qanunsuz istifadə etməkdə ittiham olunur. Lakin Mehdiyev özü ittihamı saxta və hüquq müdafiə və jurnalist fəaliyyətinə görə cəzalandırılması məqsədi güdən siyasi sifariş hesab edir. 

Ona qarşı təzyiqlər iyulun əvvəllərində “Franfurter algemayne tsaytunq” qəzetinin icmalçısı Mixael Lüdviqin Naxçıvana səfəri zamanı onu müşayiət etməsindən sonra başlayıb (yerli hakimiyyət almanı Naxçıvana buraxmamağa cəhd edirdi). 

İyulun 15-də yerli hakimiyyəti Mehdiyevin Şərur rayonunun Cəlilkənd kəndindəki evin yaxınlığında yerləşən avtomobilyuma məntəqəsində elektrik enerjisindən qanunsuz istifadə bəhanəsi ilə onun evinə enerji verilməsini dayandırıb. Lakin Mehdiyevin sözlərinə görə, o, istifadə etdiyi bütün enerjinin haqqını ödəyib və onun bunu təsdiq edən sənədləri var. O vaxtdan etibarən Mehdiyevlər ailəsi işıqsız yaşayır.

Yalnız bu gün enerjipaylama şəbəkəsinin işçiləri elektrik enerjisi verilməsini bərpa etmək üçün Mehdiyevin evinə gəliblər və onun mənzili elektrik enerjisi ilə təmin edilib.


MƏLUMATLARIMIZDAN İSTİFADƏ EDƏRKƏN RATİ-YƏ İSTİNAD EDİN

 

Reportyorların Azadlıq və Təhlükəsizlik İnstitutu (RATİ)



Ünvan: Azərbaycan, Bakı şəh., Behbudov 8, mənzil 85/86

tel: (+99 412) 418-03-34, fax: (+ 99 412) 598-45-19

e-mail: irfs.az@gmail.com

web: www.irfs.az skype: irfs.az







Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət