Naxçivan insan hüquqlari və KÜTLƏVİ İnformasiya vasiTƏLƏRİ monitoriGİ
|
|  Yüklə 32.5 Kb.
|
| NAXÇIVAN
İNSAN HÜQUQLARI VƏ KÜTLƏVİ İNFORMASİYA VASİTƏLƏRİ MONITORİGİ (http://nakhchivan.org.az/) PRESS-RELİZ 14 noyabr 2011-ci il Naxçıvan, Azərbaycan YOL POLİSİ ƏMƏKDAŞI SÜRÜCÜNÜ DÖYDÜ Noyabrın 10-da Şərur rayon Şəkər Çuğunduru Tədarükü İdarəsinə şəkər çuğunduru daşıyan “QAZ-53” markalı yük maşınının sürücüsü, adı çəkilən rayonun Mahmud kənd sakini Nağıyev Məzahir İbrahim oğlu Şərur rayon Dövlət yol Polisinin Ramazan adlı əməkdaşı tərəfindən döyüldüyünü iddia edir. Bu barədə məlumatı RATİ-nin Naxçıvandakı müxbirinə M.Nağıyevin özü bildirib. “Şərur rayon Şəkər Çuğunduru Tədarükü İdarəsinin qarşısında böyük növbə yaranmışdı. Ramazan adlı yol polisi növbəyə nəzarət edirdi. Sadə vətəndaşları gözlədir, vəzifəli şəxslərin şəkər çuğundurunu gətirən maşınları növbəsiz buraxırdı. 5 saata yaxın gözləməli oldum. Sonda növbədən kənar maşın buraxılışına etiraz etdim. Ramazan adlı yol polisi etiraz etdiyim üçün digər sürücülərin gözü qarşısında mənə fiziki güc tətbiq etdi”, - deyə M. Nağıyev dedi. M. Nağıyev deyib ki, o boyun nahiyəsindən zədələr alıb. Artıq adı çəkilən yol polisi əməkdaşının özbaşınalığından Azərbaycan Respublikası Prokurorluğuna və Naxçıvan Muxtar Respublika Prokurorluğuna ərizə ilə şikayət edib. Müxbirimiz hadisə yerində olub və araşdırma aparıb. Orada olan, adının çəkilməsini istəməyən sürücülər Məzahir Nağıyevin döyüldüyünü təsdiq etsələr də, Şərur rayon Dövlət yol Polisi hadisəni hadisəni təkzib edib. E.Abbasov H. Mehdiyev MƏLUMATLARIMIZDAN İSTİFADƏ EDƏRKƏN RATİ-YƏ İSTİNAD EDİN Əlaqə üçün e-mail: nakhchivan.org.az01@gmail.com |