Missále románum 1957 en préparation
|
|  Yüklə 4.47 Mb.
|
FESTA OCTÓBRISDie 1 Octóbris Commemorátio S. BAVÓNISConfessóris Missa Os justi, de Commúni Confessóris non Pontíficis 1 loco, præter Oratiónem sequéntem: Orátio
DEUS, qui beátum Bavónem Confessórem tuum, calcáto mundo, crucifíxo Fílio tuo militáre tribuísti: da nobis, quǽsumus, ejus patrocínio, ab ómnibus hóstibus prótegi; et post peráctam felíciter hujus vitæ milítiam, ætérna glória coronári. Per Dóminum. Secréta
LAUDIS tibi, Dómine, hóstias immolámus in tuórum commemoratióne Sanctórum: quibus nos et præséntibus éxui malis confídimus et futúris. Per Dóminum. Postcommúnio REFÉCTI cibo potúque cælésti, Deus noster, te súpplices exorámus: ut, in cujus hæc commemoratióne percépimus, ejus muniámur et précibus. Per Dóminum.
Commemorátio S. BEREGÍSIAbbátis Missa Os justi, de Commúni Abbátum, præter Oratiónem sequéntem: Orátio
DEUS, quo vocánte, beátus Beregísus quæ retro erant oblítus est: fac nos, ipso intercedénte, ad destinátum pérsequi brávium supérnæ vocatiónis, in Christo Jesu Dómino nostro: Qui tecum vivit. Secréta
SACRIS altáribus, Dómine, hóstias superpósitas sanctus Beregísus Abbas, quǽsumus, in salútem nobis proveníre depóscat. Per Dóminum. Postcommúnio PRÓTEGAT nos, Dómine, cum tui perceptióne sacraménti beátus Beregísus Abbas, pro nobis intercedéndo: ut et conversatiónis ejus experiámur insígnia, et intercessiónis percipiámus suffrágia. Per Dóminum.
Commemorátio S. AMÓRISConfessóris Missa Justus, de Commúni Confessóris non Pontíficis 2 loco, cum Oratiónibus ut infra: Orátio
ADÉSTO, Dómine, supplicatiónibus nostris, quas in beáti Amóris Confessóris tui solemnitáte deférimus: ut, qui nostræ justítiæ fidúciam non habémus, ejus, qui tibi plácuit, précibus adjuvémur. Per Dóminum. Secréta
PRÆSTA nobis, quǽsumus, omnípotens Deus: ut nostræ humilitátis oblátio, et pro tuórum tibi grata sit honóre Sanctórum, et nos córpore páriter et mente puríficet. Per Dóminum. Postcommúnio Quǽsumus, omnípotens Deus: ut, qui cæléstia aliménta percépimus, intercedénte beáto Amóre Confessóre tuo, per hæc contra ómnia advérsa muniámur. Per Dóminum. Die 11 Octóbris In Ecclésiis consecrátis excepta Cathedráli DEDICÁTIOPRÓPRIÆ ECCLÉSIÆDuplex I classis Missa Terríbilis, de Commúni Dedicatiónis. Credo. Festum Maternitátis Beátæ Maríæ Vírginis fit die 12 Octóbris. Die 12 Octóbris In Ecclésiis consecrátis excepta Cathedráli MATERNITÁTISBEÁTÆ MARÍÆ VÍRGINISDuplex II classis Missa Ecce Virgo, ut in Missáli. Die 21 Octóbris SS. URSULÆ ac SOCIÁRUM Vírginum et Mártyrum Duplex
Orátio DA nobis, quǽsumus, Dómine Deus noster, sanctárum Vírginum et Mártyrum tuárum Ursulæ et Sociárum ejus palmas incessábili devotióne venerári: ut, quas digna mente non póssumus celebráre, humílibus saltem frequentémus obséquiis. Per Dóminum. Secréta INTÉNDE, quǽsumus, Dómine, múnera altáribus tuis pro sanctárum Vírginum et Mártyrum tuárum Ursulæ et Sociárum ejus festivitáte propósita: ut, sicut per hæc beáta mystéria illis glóriam contulísti; ita nobis indulgéntiam largiáris. Per Dóminum. Postcommúnio PRÆSTA nobis, quǽsumus, Dómine, intercedéntibus sanctis Virgínibus et Martýribus tuis Ursula et Sociábus ejus; ut, quod ore contíngimus, pura mente capiámus. Per Dóminum. Die 23 Octóbris S. ODÆVíduæ Simplex
Orátio DEUS, qui beátam Odam génere nóbilem, sed virtútibus nobiliórem, viduáli sanctimónia decorásti: da nobis, quǽsumus, ipsíus méritis et exémplis, sic fíeri virtútibus dívites, ut ejus hic patrocínium sentiámus, et glóriæ, qua frúitur in cælis, partícipes esse mereámur. Per Dóminum. Secréta ACCÉPTA tibi sit, Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum. Postcommúnio SATIÁSTI, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dóminum. MISSÆ PRÓPRIÆ SANCTÓRUM ECCLÉSIÆ CATHEDRÁLIS ET DIŒCÉSIS LEODIÉNSIS Eadem die 23 Octóbris Commemorátio
S. SEVERINIEpíscopi et Confessóris Missa Státuit, de Commúni Confessóris Pontíficis 1 loco, præter Oratiónem sequéntem: Orátio
DEUS, qui beátum Severínum, Confessórem tuum atque Pontíficem, hodiérna die suscepísti atque remunerásti: concéde propítius; ut qui ejus gaudémus méritis, provocémur exémplis, et ejus intercessióne véniam et vitam mereámur ætérnam. Per Dóminum. Secréta
SANCTI tui, quǽsumus, Dómine, nos ubíque lætíficent: ut, dum eórum mérita recólimus, patrocínia sentiámus. Per Dóminum. Postcommúnio PRÆSTA, quǽsumus, omnípotens Deus: ut, de percéptis munéribus grátias exhibéntes, intercedénte beáto Severíno Confessóre tuo atque Pontífice, benefícia potióra sumámus. Per Dóminum nostrum.
MISSÆ PRÓPRIÆ SANCTÓRUMECCLÉSIÆ CATHEDRÁLIS ET DIŒCÉSIS LEODIÉNSISDie 24 Octóbris Commemorátio S. EVERGÍSLIEpíscopi et Mártyris Missa Sacerdótes Dei, de Commúni uníus Mártyris Pontíficis 2 loco, cum Oratiónibus ut infra: Orátio
DEUS, qui nos beáti Evergísli Mártyris tui atque Pontíficis ánnua solemnitáte lætíficas: concéde propítius; ut, cujus natalítia cólimus, de ejúsdem étiam protectióne gaudeámus. Per Dóminum. Secréta
MÚNERA tibi, Dómine, dicáta sanctífica: et, intercedénte beáto Evergíslo Mártyre tuo atque Pontífice, per éadem nos placátus inténde. Per Dóminum. Postcommúnio HÆC nos commúnio, Dómine, purget a crímine: et, intercedénte beáto Evergíslo Mártyre tuo atque Pontífice, cæléstis remédii fáciat esse consórtes. Per Dóminum.
|