Missále románum 1957 en préparation
|
|  Yüklə 4.47 Mb.
|
FESTA MÁRTIIDie 2 Mártii B. CÁROLI BONIMártyris Duplex majus Intróitus Eccli. 4, 33 PRO justítia agonizáre pro ánima tua, et usque ad mortem certa pro justítia, et Deus expugnábit pro te inimícos tuos. Ps. 40, 1 Beátus qui intélligit super egénum et páuperem: in die mala liberábit eum Dóminus. V/. Glória Patri. Orátio OMNÍPOTENS et miséricors Deus, qui beátum Cárolum príncipem justítiæ tuéndæ zelo succénsum, glorióso martýrio illustráre voluísti: da nobis ejus patrocínio et exémplo; sic omnem implére justítiam, ut vitam consequámur ætérnam. Per Dóminum. Et in Quadragésima fit Commemorátio Fériæ. Léctio Jeremíæ Prophétæ. Jerem. 20, 9-13 FACTUS est in corde meo quasi ignis exǽstuans, clausúsque in óssibus meis: et deféci, ferre non sústinens. Audívi enim contumélias multórum et terrórem in circúitu: Persequímini, et persequámur eum: ab ómnibus viris, qui erant pacífici mei, et custodiéntes latus meum: si quómodo decipiátur, et prævaleámus advérsus eum, et consequámur ultiónem ex eo. Dóminus autem mecum est quasi bellátor fortis: idcírco qui persequúntur me, cadent et infírmi erunt: confundéntur veheménter, quia non intellexérunt oppróbrium sempitérnum, quod nunquam delébitur. Et tu Dómine exercítuum, probátor justi, qui vides renes et cor; vídeam, quæso, ultiónem tuam ex eis: tibi enim revelávi causam meam. Cantáte Dómino, laudáte Dóminum: quia liberávit ánimam páuperis de manu malórum. Graduále Exodi 15, 2 Fortitúdo mea, et laus mea Dóminus, et factus est mihi in salútem: iste Deus meus, et glorificábo eum: Deus patris mei, et exaltábo eum. V/. Ps. 17, 4 Laudans invocábo Dóminum: et ab inimícis meis salvus ero. Tractus Isai. 58, 10 Cum effúderis esuriénti ánimam tuam, et ánimam afflíctam repléveris, oriétur in ténebris lux tua. V/. Et réquiem tibi dabit Dóminus semper, et implébit splendóribus ánimam tuam. V/. Et ossa tua liberábit, et eris quasi hortus irríguus, et sicut fons aquárum, cujus non defícient aquæ. + Sequéntia sancti Evangélii secúndum Matthǽum. Matth. 5, 1-12 IN illo témpore: Videns Jesus turbas, ascéndit in montem, et cum sedísset, accessérunt ad eum discípuli ejus, et apériens os suum, docébat eos, dicens: Beáti páuperes spíritu: quóniam ipsórum est regnum cælórum. Beáti mites: quóniam ipsi possidébunt terram. Beáti qui lugent: quóniam ipsi consolabúntur. Beáti qui esúriunt et sítiunt justítiam: quóniam ipsi saturabúntur. Beáti misericórdes: quóniam ipsi misericórdiam consequéntur. Beáti mundo corde: quóniam ipsi Deum vidébunt. Beáti pacífici: quóniam fílii Dei vocabúntur. Beáti qui persecutiónem patiúntur propter justítiam: quóniam ipsórum est regnum cælórum. Beáti estis cum maledíxerint vobis, et persecúti vos fúerint, et díxerint omne malum advérsum vos, mentiéntes, propter me: gaudéte et exsultáte, quóniam merces vestra copiósa est in cælis. Offertórium Ps. 49, 14 Immola Deo sacrifícium laudis et redde Altíssimo vota tua. Secréta DEUS, invisíbilis fortitúdo certántium, adésto, quǽsumus, munéribus nostris: ut qui beáti Mártyris tui Cároli passiónem recensémus, assíduis ejus précibus contra spirituália nequítiæ muniámur. Per Dóminum nostrum. Commúnio Matth. 5, 7 et 10 Beáti misericórdes: quóniam ipsi misericórdiam consequéntur. Beáti qui persecutiónem patiúntur propter justítiam: quóniam ipsórum est regnum cælórum. Postcommúnio CONCÉDE nobis, Dómine, per hæc Sacraménta cæléstia grátiam in beáti Cároli Mártyris tui celebritáte multíplicem; ut de tanti agóne certáminis discámus et firma solidári patiéntia, et pia exsultáre victória. Per Dóminum nostrum.
S. CHRODEGÁNGIEpíscopi et Confessóris Duplex
Orátio TIMÉNTIUM te, Dómine, salvátor et custos, avérte, quǽsumus, ab Ecclésia tua, intercedénte beáto Chrodegángo Confessóre tuo atque Pontífice, mundánæ sapiéntiæ delectaménta fallácia: ne vánitas mendaciórum decípiat, quos ipsa Véritas illúminat et érudit, Jesus Christus Fílius tuus: Qui tecum vivit. Et fit Commemorátio Fériæ. Die 14 Mártii B. HEVÆVírginis Duplex
Orátio DEUS, qui beátæ Hevæ, Vírgini, ad augéndum in Ecclésia tua sanctíssimæ Eucharístiæ cultum incúmbere tribuísti: præsta, quǽsumus; ut qua ipsa in hoc divínum mystérium caritáte flagrávit, eádem et corda nostra accéndi mereántur. Per Dóminum. Et fit Commemorátio Fériæ. Die 17 Mártii S. GERTRÚDISVírginis Duplex
Orátio INDULGÉNTIAM nobis, quǽsumus, Dómine, beáta Gertrúdis Virgo implóret, quæ tibi grata éxstitit et mérito castitátis, et tuæ professióne virtútis. Per Dóminum. Et fit Commemorátio Fériæ. FESTA APRÍLISDie 5 Aprílis S. JULIÁNÆ CORNELIONÉNSISVírginis Duplex majus Missa Dilexísti, ut in Commúni Vírginum 3 loco, præter Oratiónes sequéntes: Orátio
DEUS, humílium celsitúdo, qui beátam Vírginem Juliánam ad promovéndum sanctíssimi Sacraménti cultum mirabíliter inflammásti: tríbue, quǽsumus; ita nos humilitátis ejus vestígia sectári in terris, ut cum ipsa sublimári mereámur in cælis. Per Dóminum. Et fit Commemorátio Fériæ in Quadragésima. Secréta DEUS, qui ad sacrum redemptiónis nostræ pignus recoléndum, in beáta Vírgine Juliána exémplum nobis et præsídium præstáre voluísti: concéde propítius; ut ejus méritis et précibus, quem velátum in terris cólimus, ipsum reveláta fácie vidére mereámur in cælis. Qui tecum vivit. Postcommúnio ADJUVENT nos, quǽsumus, Dómine, hæc mystéria sancta quæ súmpsimus, et beátæ Juliánæ Vírginis tuæ intercéssio veneránda. Per Dóminum. Die 27 Aprílis S. FLORIBÉRTIEpíscopi et Confessóris Duplex
Orátio OMNÍPOTENS sempitérne Deus, exáudi propítius oratiónem nostram, et tríbue nobis, intercedénte beáto Floribérto, Confessóre tuo atque Pontífice, misericórdiam tuam; ut quæcúmque prǽcipis, te adjuvánte, implére possímus. Per Dóminum. Die 28 Aprílis IN TRANSLATIÓNE S. LAMBÉRTIEpíscopi et Mártyris Duplex majus Missa Protexísti, de Commúni Mártyrum Témpore Pascháli, præter Oratiónes sequéntes: Orátio
INTERCÉSSIO, quǽsumus, Dómine, beáti Lambérti Mártyris tui atque Pontíficis, cujus venerándam Translatiónem celebrámus, tuam nobis non désinat placáre justítiam, et nostrum tibi devótum effícere famulátum. Per Dóminum. Secréta
ADÉSTO, quǽsumus, Dómine, famulórum tuórum hóstiis, adésto munéribus, sancti Lambérti, Mártyris tui atque Pontíficis, précibus placátus ac méritis: et ejus gaudéntes solemnitáte, ab hóstium infestatiónibus cleménter tuére. Per Dóminum. Postcommúnio BEÁTI Pontíficis Lambérti, Mártyris tui, Dómine, mérita gloriósa recoléntibus, da nobis per hæc sacraménta, quæ súmpsimus, ut a culpis ómnibus expiáti vitam consequámur ætérnam. Per Dóminum.
|