Missále románum 1957 en préparation

FESTA JANUÁRII

B. GREGÓRII X

Duplex
Missa Si díligis me, de Commúni Summórum Pontíficum, præter Oratiónem sequéntem:

Orátio

DEUS, qui Ecclésiam tuam beáti Gregórii Confessóris atque Pontíficis religiónis zelo et apostólicis curis amplificásti: ejus méritis et intercessióne concéde, ut fídei et sanctitátis nova semper increménta suscípiat. Per Dóminum.

CONVÉRSIO S. PAULI

Tituláris Ecclésiæ Cathedrális

Duplex I classis
Missa ut in Missáli.

Et dícitur Credo; item, juxta Rúbricas, Commemorátio Octávæ et S. Petri et Præfátio Apostolórum.

S. POPPÓNIS

Duplex
Missa Os justi, de Commúni Abbátum, cum Oratióne ut infra:

Orátio

INTERCÉSSIO nos, quǽsumus, Dómine, beáti Poppónis Abbátis comméndet: ut, quod nostris méritis non valémus, ejus patrocínio assequámur. Per Dóminum.

FESTA FEBRUARII

S. HADELÍNI

Duplex
Missa Os justi, de Commúni Confessóris non Pontíficis 1 loco, præter Oratiónem et Evangélium, ut infra:

Orátio

OMNÍPOTENS sempitérne Deus, tuórum remunerátor servórum, qui nobis beátum Hadelínum ætérnæ salútis minístrum præstáre voluísti: concéde nobis fámulis tuis, ut ejus adjuvémur méritis; cujus lætámur virtútibus et exémplis. Per Dóminum.

Matth. 19, 27-29

IN illo témpore: Dixit Petrus ad Jesum: Ecce nos relíquimus ómnia, et secúti sumus te: quid ergo erit nobis? Jesus autem dixit illis: Amen dico vobis, quod vos, qui secúti estis me, in regeneratióne, cum séderit Fílius hóminis in sede majestátis suæ, sedébitis et vos super sedes duódecim, judicántes duódecim tribus Israël. Et omnis, qui relíquerit domum, vel fratres, aut soróres, aut patrem, aut matrem, aut uxórem, aut fílios, aut agros, propter nomen meum, céntuplum accípiet, et vitam ætérnam possidébit.
Die 6 Februarii

S. AMÁNDI

Duplex
Missa Státuit, de Commúni Confessóris Pontíficis 1 loco præter Oratiónem sequéntem:

Orátio

SANCTI Confessóris atque Pontíficis Amándi nos, quǽsumus, Dómine, fóveat pretiósa conféssio, et pia júgiter intercéssio tueátur. Per Dóminum.

Commemorátio

S. MENGÓLDI

Orátio

Secréta

Postcommúnio

DA, quǽsumus, Dómine Deus noster: ut, sicut tuórum commemoratióne Sanctórum temporáli gratulámur offício; ita perpétuo lætémur aspéctu. Per Dóminum.
Die 13 Februarii

SS. HARLÍNDIS et RELÍNDIS

Vírginum

Duplex
Intróitus Ps. 148, 12-14

VÍRGINES laudent nomen Dómini, quia exaltátum est nomen ejus solíus: conféssio ejus super cælum et terram. Ps. ibid., 1 Laudáte Dóminum de cælis: laudáte eum in excélsis. V/. Glória Patri.

Orátio

Et in Quadragésima fit Commemorátio Fériæ.

Léctio Epístolæ beáti Pauli Apóstoli ad Corínthios.

1 Cor. 7, 25-34

FRATRES: De virgínibus præcéptum Dómini non hábeo: consílium autem do, tamquam misericórdiam consecútus a Dómino, ut sim fidélis. Exístimo ergo hoc bonum esse propter instántem necessitátem, quóniam bonum est hómini sic esse. Alligátus es uxóri? noli quǽrere solutiónem. Solútus es ab uxóre? noli quǽrere uxórem. Si autem accéperis uxórem, non peccásti. Et si núpserit virgo, non peccávit: tribulatiónem tamen carnis habébunt hujúsmodi. Ego autem vobis parco. Hoc ítaque dico, fratres: Tempus breve est: réliquum est, ut et qui habent uxóres, tamquam non habéntes sint: et qui flent, tamquam non flentes: et qui gaudent, tamquam non gaudéntes: et qui emunt, tamquam non possidéntes, et qui utúntur hoc mundo, tamquam non utántur: prǽterit enim figúra hujus mundi. Volo autem vos sine sollicitúdine esse. Qui sine uxóre est, sollícitus est, quæ Dómini sunt, quómodo pláceat Deo. Qui autem cum uxóre est, sollícitus est, quæ sunt mundi, quómodo pláceat uxóri, et divísus est. Et múlier innúpta, et virgo cógitat quæ Dómini sunt, ut sit sancta córpore et spíritu: in Christo Jesu Dómino nostro.

Graduále Ps. 44, 3 et 10 Speciósus forma præ fíliis hóminum: diffúsa est grátia in lábiis tuis. V/. Fíliæ regum in honóre tuo: ástitit regína a dextris tuis in vestítu deauráto, circúmdata varietáte.

Allelúja, allelúja. V/. Sap. 4, 1 O quam pulchra est casta generátio cum claritáte: immortális est enim memória illíus. Allelúja.
¶ ¶ In Missis votívis post Septuagésimam, omíssis Allelúja et Versu sequénti, dícitur

Tractus Ps. 44, 14-16 Omnis glória ejus fíliæ Regis ab intus, in fímbriis áureis, circumamícta varietátibus. V/. Adducéntur Regi vírgines post eam, próximæ ejus afferéntur tibi. V/. Afferéntur in lætítia et exsultatióne, adducéntur in templum Regis.

Témpore autem Pascháli omíttitur Graduále, et ejus loco dícitur:

Allelúja, allelúja. V/. Sap. 4, 1 O quam pulchra est casta generátio cum claritáte: immortális est enim memória illíus. Allelúja. V/. Isai. 56, 5 Ego Dóminus dabo eis nomen mélius a fíliis et filiábus: nomen sempitérnum dabo eis, quod non períbit. Allelúja.

+ Sequéntia sancti Evangélii secúndum Matthǽum.

Matth. 25, 1-13

IN illo témpore: Dixit Jesus discípulis suis parábolam hanc: Símile erit regnum cælórum decem virgínibus: quæ accipiéntes lámpadas suas, exiérunt óbviam sponso et sponsæ. Quinque autem ex eis erant fátuæ, et quinque prudéntes: sed quinque fátuæ, accéptis lampádibus, non sumpsérunt óleum secum: prudéntes vero accepérunt óleum in vasis suis cum lampádibus. Moram autem faciénte sponso, dormitavérunt omnes, et dormiérunt. Média autem nocte clamor factus est: Ecce sponsus venit, exíte óbviam ei. Tunc surrexérunt omnes vírgines illæ, et ornavérunt lámpades suas. Fátuæ autem sapiéntibus dixérunt: Date nobis de óleo vestro: quia lámpades nostræ exstinguúntur. Respondérunt prudéntes, dicéntes: Ne forte non suffíciat nobis et vobis, ite pótius ad vendéntes, et émite vobis. Dum autem irent émere, venit sponsus: et quæ parátæ erant, intravérunt cum eo ad núptias, et clausa est jánua. Novíssime vero véniunt et réliquæ vírgines, dicéntes: Dómine, Dómine, áperi nobis. At ille respóndens, ait: Amen dico vobis, néscio vos. Vigiláte ítaque, quia nescítis diem, neque horam.

Offertórium Ps. 33, 6 Accédite ad Dóminum, et illuminámini: et fácies vestræ non confundéntur.

Secréta

MUNÉRIBUS tibi, Dómine, pro beatárum Vírginum Harlíndis atque Relíndis honóre dicátis, benedictiónem tuam propitiátus effúnde: ut per éadem, et a vítiis ómnibus emundémur, et cæléstibus delíciis impleámur. Per Dóminum.

Commúnio Matth. 25, 10 Venit sponsus: et vírgines, quæ parátæ erant, intravérunt cum eo ad núptias, et clausa est jánua.

Postcommúnio

SUMPTA mystéria, quǽsumus, Dómine, suffragántibus beatárum Vírginum Harlíndis atque Relíndis méritis, íncitent nos júgiter et illústrent: ut digne advéntum Fílii tui præstolémur, et ad supérnas ejus núptias admittámur. Per eúmdem Dóminum.
Die 20 Februarii

S. EUCHÉRII

Duplex
Missa Státuit, de Commúni Confessóris Pontíficis 1 loco, cum Oratiónibus ut infra:

Orátio

DA, quǽsumus, omnípotens Deus: ut beáti Euchérii Confessóris tui atque Pontíficis veneránda solémnitas, et devotiónem nobis áugeat, et salútem. Per Dóminum.

Secréta

Postcommúnio

PRÆSTA, quǽsumus, omnípotens Deus: ut, de percéptis munéribus grátias exhibéntes, intercedénte beáto Euchério Confessóre tuo atque Pontífice, benefícia potióra sumámus. Per Dóminum.