Ana səhifə

Media Hüququ İnstitutu (MHİ) İctimai Televiziya və Radio Yayımları Şirkətinə baş direktor seçkilərinin əhəmiyyətli prosedur pozuntularıyla, tələm-tələsik və qeyri-şəffaf keçirildiyini bildirir


Yüklə 10.88 Kb.
tarix25.06.2016
ölçüsü10.88 Kb.
Tel: +99 412 440 47 92

Fax: +99 412  440 47 92


web: www.mediarights.az



Rəylərinizi bu ünvana göndərin: xaled_yes@hotmail.com
Bəyanat 23 aprel 2013
Media Hüququ İnstitutu (MHİ) İctimai Televiziya və Radio Yayımları Şirkətinə baş direktor seçkilərinin əhəmiyyətli prosedur pozuntularıyla, tələm-tələsik və qeyri-şəffaf keçirildiyini bildirir. Bu seçkinin MTRŞ tərəfindən ciddi müdaxilələrlə müşayət olunması seçkinin ədalətliliyinə və İctimai Yayımın müstəqilliyinə kölgə salır.
MHİ Milli Məclisin İTV Yayım Şurasına aprelin 19-da 3 yeni üzv təyin etməsinin də pozuntularla müşayət olunduğunu xatırladır. Aprelin 23-də isə MTRŞ-nın inzibati binasında İTV Baş Direktorunun tələm-tələsik seçkiləri keçirilib. Baş direktor vəzifəsinə namizədlərin irəli sürülməsi prosesinin başlandığı aprelin 18-də bəlli olub. Namizədlərin rəsmi siyahısı cəmi 1 gün əvvəl, aprelin 22-də elan olunub. Namizədlərin özlərini tanıtması, öz məqsədlərini və planlarını açıqlaması, namizədlər barədə müzakirələrin aparılması üçün cəmi 1 gün vaxt verilib. Beləliklə nəinki cəmiyyətin, hətta onlar barədə səs verəcək Yayım Şurası üzvlərinin belə səs verəcəkləri şəxsləri tanıması üçün vaxt olmayıb. Baş Direktorun seçilməsi ilə bağlı Yayım Şurasının yığıncağı İTV-nin öz binasında, Yayım Şurasının ofisində yox, MTRŞ-nın ofisində MTRŞ sədrinin rəhbərliyi və müdaxiləsi altında keçirilib. 4 namizədin tanıdılması, onların öz platforma və planları barədə Yayım Şurasına məlumat vermələri, sual-cavablar və Yayım Şurasının namizədləri götür-qoy edib son seçimini etməsi təxminən 50 dəqiqə çəkib.
MHİ ictimai yayım xidmətinin təşkilinə cavabdeh olan baş direktor seçkisinin bütün iddialılara bərabər təşviqat imkanı verən bəlli vaxt çərçivəsində keçirilməli olduğunu vurğulayır. MHİ qeyd edir ki, İTV YŞ qanuni vəzifələrini yerinə yetirərək direktor seçkisi ilə bağlı elanlar yaymalı, həmin elanlarda namizədlərin irəli sürülməsi ilə, namizədlərə yönəlik meyarlarla bağlı bütün detallar aydın şəkildə əksini tapmalı, özəlliklə bu prosedur namizələrə proqramlarını tanıtım imkanı verməli idi. MHİ İTV YŞ-nın bu istiqamətdə heç bir addım atmamasını kəskin qınayır.
MHİ həmçinin, direktor seçkisinin MTRŞ-nin tam kontrolu altında keçirildiyini vurğulayır. “İctimai televiziya və radio yayımı haqqında” qanuna görə, İTV-nin Baş Direktorunun seçki prosesinin idarə olunması, qərarların verilməsi YŞ-nın səlahiyyətləri daxilindədir. Bununla belə, namizədlərin sənədlərinin qəbulu, onlarla fərdi söhbət, bütövlükdə seçki prosesinin MTRŞ-nin təşkilatçılığı və sıx nəzarəti altında keçirilməsi dövlət qurumunun İctimai Yayım Xidmətinin işinə ciddi müdaxiləsidir. MHİ belə müdaxilənin yolverilməz olduğunu, İctimai Yayım Xidmətinin nüfuzuna və müstəqilliyinə çox ciddi zərər vurduğunu bəyan edir.
MHİ hökuməti İctimai Yayım Xidmətinin müstəqilliyinə müdaxilələrdən çəkinməyə, belə müdaxilələrin nəticələrinin araqdan qaldırılması üçün gərəkli addımlar atmağa, tele-radio düzənlənməsi ilə bağlı yerli qanunvericiliyə və Azərbaycanın tərəfdar çıxdığı beynəlxalq müqavilələrə, özəlliklə də Avropa Şurası Nazirlər Komitəsinin tövsiyyələrinə əməl etməyə çağırır.
Media Hüququ İnstitutu Azərbaycanda ifadə və bilgi azadlığı ilə bağlı qanunvericiliyi və hüquq təcrübəsini qabaqcıl meyarlara uyğunlaşdırmaq, medianın və jurnalistlərin qorunması yönündə çalışan civil toplum qurumudur


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət