19. SANGSPELETJIES
LEES ASSEBLIEF DIE BEPALINGS SOOS HIERONDER UITEENGESIT ASOOK HOOFSTUKKE 3, 4, 5 EN 6 VOORDAT U ENIGE INSKRYWINGS INSTUUR.
19.1 ‘n Sangspeletjie is een lied wat gedramatiseer word met behulp van kostumering. Beweging illustreer die teks van die lied. Let Wel : Slegs een lied word gebruik.
19.2 Sien tydsbeperking op volgende bladsy. L.W. Tydsbeperking sluit op- en afgaantyd in. Groepe wat langer as die voorgeskrewe tyd gebruik, word met ’n simbool gepenaliseer.
19.3 Dekor, in die vorm van groot losstaande uitbouings aan die verhoog of “mure” en “trappe” word nie toegelaat nie. Rekwisiete is egter toelaatbaar.
19.4 Afrigters moet daarop let dat die klem op suiwer sang gelê word en nie noodwendig op kostuums en rekwisiete nie. Die beoordelaar sal egter die geheelindruk beoordeel met sang en musikale vertolking as eerste prioriteit.
19.5 Skole mag van voorafopgeneemde musiek gebruik maak. Skole wat van bogenoemde gebruik maak, sal egter nie bevoordeel word nie. ‘n Basiese klankstelsel word voorsien.
19.6 Daar mag sang op die klankbaan wees.
19.7 Na 10/15 min sal klank gedoof word.
NB: Die groep se stemme moet op die klankbaan wees.
V176 KLEUTERSKOLE : Tydsduur : 5 Minute - Eie keuse
V177 GRAAD 1 TOT GRAAD 3 : Tydsduur : 5 Minute - Eie keuse
V178 GRAAD 4 TOT GRAAD 7 : Tydsduur : 7 Minute - Eie keuse
___________________________________________________________________________
20. REVUE
LEES ASSEBLIEF DIE BEPALINGS SOOS HIERONDER UITEENGESIT ASOOK HOOFSTUKKE 3, 4, 5 EN 6 VOORDAT U ENIGE INSKRYWINGS INSTUUR.
20.1 Let op na tydsbeperking. Dit sluit opstel en ontruiming van die verhoog in. Groepe wat tyd oorskry sal met ’n simbool gepenaliseer word.
20.2 Enige taal of kombinasie van tale kan gebruik word.
20.3 Begeleiding van liedere kan met klavier of ander instrumente geskied. Die gebruik van klankbane (“backtrax”) word aanbeveel. ‘n Keurspel van liedere word toegelaat, maar moet ‘n “sentrale tema” vorm en die tydsduur mag nie oorskry word nie. Dit moet die groep se stemme op die klankbaan wees.
20.4 Sang moet van ‘n hoë standaard en suiwer wees. Tweestemmige sang sal ‘n bonus wees.
20.5 Die choreografie moet die musiek komplimenteer, stylvol en gepas wees. Oorspronklikheid van die bewegings behoort hoë prioriteit te geniet.
20.6 Kostumering moet netjies, eenvormig, gepas en aanskoulik wees.
REVUE
V179 Gr 1 - 4 Tydsduur : 10 minute
V180 Gr 5 - 7 Tydsduur : 15 minute
V181 Gr 8 - 12 Tydsduur : 15 minute
V182 Oop Tydsduur : 20 minute
|