Ana səhifə

Balalar-Az. Com Mirzə Aləkbər Sabir. Hophopnamədən: Satiralar. 1910. Amma, millət a!


Yüklə 40 Kb.
tarix18.07.2016
ölçüsü40 Kb.

Balalar-Az.Com

Mirzə Aləkbər Sabir. Hophopnamədən: Satiralar.

1910.
Amma, millət a!..
Moldayı, gördün nə iqdam etdi?! Amma, millət a!..
Az zəmanda nə sərəncəm etdi?! Amma, millət a!..
Öz gücün hər qövmə ifham etdi! Amma, millət a!..
Varlığın mərdanə elam etdi! Amma, millət a!..
Moldayı, gördün nə iqdam etdi?! Amma, millət a!..

Basdı, keçdi əhli-İran, qatladı hər milləti,


Bildi qədrin, aldı həqqin, qovzadı milliyyəti,
Aldığı məşrutəni parlatdı parlaq qeyrəti,
Əhsənüllah, hümməti-tam etdi! Amma, millət a!..
Moldayı, gördün nə iqdam etdi?! Amma, millət a!..

İş başında əyləşən kəslər xəyanətdən səva,


Bay, yanıldım, qoy deyim, hə, lap sədaqətdən səva,
Etməz oldu bir nəfər olsun da xidmətdən səva,
Var-yoxun həp bəzli-islam etdi! Amma, millət a!..
Moldayı, gördün nə iqdam etdi?! Amma, millət a!..

Əql heyrandır ki, saysın bir-bir əhrarın işin,


Qanmaq olmur, anlamaq olmur Sipəhdarın işin,
Yefremin, ya Bağırın,* yainki Səttarın işin,
Mərhəbalar! Vəh, nə əncam etdi?! Amma, millət a!..
Moldayı, gördün nə iqdam etdi?! Amma, millət a!..

Eyləsin Səttarü Bağır başqa bir iyma, neçin?


Ya hökümət eyləsin əhrarlə dəva, neçin?
Qanmıram, əlqissə, sərdari Bəhadir* ya neçin
Bağırı təslimi-Səmsam* etdi! Amma, millət a!..
Moldayı, gördün nə iqdam etdi?! Amma, millət a!..

Get, daha ol arxayın, yat, eyləmə sərsəm, kişi!


Parladı, meydana çıxdı millət, etmə qəm, kişi!
Qoy bizi təqdir edib də söyləsin aləm, kişi!
Iktisabi-izzəti-nam etdi! Amma, millət a!..
Moldayı, gördün nə iqdam etdi?! Amma, millət a!..



Balalar-Az.Com


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət