Ana səhifə

Azərbaycan Respublikası Səhiyyə Sektorunda İslahatlar Layihəsi (SSİL)


Yüklə 15.75 Kb.
tarix26.06.2016
ölçüsü15.75 Kb.
Azərbaycan Respublikası

Səhiyyə Sektorunda İslahatlar Layihəsi (SSİL) Kredit No. 4210-AZ

MARAĞI İFADƏ EDƏN ƏRİZƏlər üçün DƏVƏT
Fərdi Məsləhətçi üçün tapşırıq:

TİBB MÜƏSSİSƏLƏRİ ÜÇÜN TƏCHİZ OLUNACAQ AVADANLIQLARIN STANDART SİYAHISINA DAİR NORMATİV SƏNƏDLƏRİN İŞLƏNİB HAZIRLANMASI
Təkliflərin verilməsinə dair bu Dəvətnamə 2006-cı il Noyabrın 30-da “Development Business” jurnalının 691 nömrəli buraxılışında dərc olunmuş ümumi satınalma elanının davamı olaraq irəli sürülür.

Azərbaycan Respublikasının Səhiyyə Nazirliyi nəzdində yaradılmış Səhiyyə Sektorunda İslahatlar Layihəsi (SSİL) Səhiyyə Sektorunda İslahatlar Layihəsinin (SSİL) icrası üçün Dünya Bankından (DB) maliyyə vəsaiti almışdır və onun müəyyən hissəsini məsləhətçi xidmətlərinə sərf etmək niyyətindədir. Bu layihə həmçinin USAİD, UNİCEF və Ümumdünya Səhiyyə Təşkilatı tərəfindən maliyyələşdirilir. Beynəlxalq İnkişaf Assosiasiyası tərəfindən maliyyələşdirilən müqavilələr üçün keçirilən tenderlər həmin təşkilatın “namizədlərin münasibliyi”nə dair qayda və proseduralarına uyğun həyata keçiriləcək.


Layihənin inkişaf uğrunda məqsədi – ölkədə səhiyyəni yaxşılaşdırmaq üçün səhiyyə sisteminin idarə etmə və maliyyələşdirilməsini geniş inkişaf etdirmək, həmçinin seçilən rayonlarda əhaliyə münasib ilkin tibbi xidmətin göstərilməsini maliyyə baxımından məsuliyyətli və davamlı surətdə gücləndirməkdən ibarətdir.
Tapşırığı həyata keçirəcək Fərdi Məsləhətçi tapşırıq məqsədlərinə görə ümumi məsuliyyəti öz üzərinə götürəcək: Fərdi Məsləhətçi bu tapşırığın ümumi məqsədinə nail olunmasına görə, yəni Tibb Müəssisələrinin profili və səviyyəsindən asılı olaraq təchiz olunanacaq avadanlıqların standart siyahısına dair normativ sənədlərin işlənib hazırlanmasına görə ümumi məsuliyyəti öz üzərinə götürəcək.

Yuxarıdakı məqsədə nail olmaq üçün Fərdi Məsləhətçi aşağıdakı tədbirləri həyata keçirəcək:



  • Cari vəziyyətin və müvafiq sənədlərin təhlili;

  • Müvafiq beynəlxalq standartların tələblərinin öyrənilməsi:

      • İSO standartları;

      • Xəstəxanalar üçün tibbi avadanlığın təchizatına dair Avropa sərəncamları.

  • Seçilmiş xəstəxanaların tibbi avadanlıqlara olan ehtiyacının qiymətləndirilməsi;

  • Xəstəxanalar üçün standart avadanlıqlara dair müvafiq normativ sənədlər ilə əlaqədar tövsiyə və məsləhətlərin işlənib hazırlanması;

  • Xəstəxanalara təchiz ediləcək avadanlıqların siyahısının hazırlanması.

Aşağıdakı nəticələr gözlənilir:

Məsləhətçi 2012-ci ilin aprel ayından başlayaraq səkkiz (8) ay müddətinə sözügedən xidmətlərin təmin edilməsi üçün cəlb olunacaq. Bu müddət təxminidir; Məsləhətçi bütün müvafiq məqsəd və mərhələləri əks etdirən təfsilatlı iş proqramını hazırlayacaq.
Tələb olunan keyfiyyətlər:

  • Tibb sahəsində və ya tapşırığa müvafiq olan sahədə Universitet Dərəcəsi;

  • Səhiyyə idarəçiliyi və siyasəti üzrə müvafiq sahədə ən azı 5 il iş təcrübəsi;

  • Beynəlxalq təşkilatlar tərəfindən maliyyələşdirilən oxşar layihə və proqramların icrasında təcrübə;

  • Azərbaycan və İngilis dillərində sərbəst anlaşma və yazma qabiliyyəti (Rus dili biliyi üstünlük hesab olunacaq);

  • Səhiyyə müəssisələrinin sertifikatlaşdırılması və akkreditasiyası ilə əlaqədar təsisedici islahatlara dəstəyin verilməsində təcrübə;

  • Əla ünsiyyət və danışıqlar aparmaq qabiliyyəti.

Səhiyyə Sektorunda İslahatlar Layihəsi hazırda, bu müsabiqədə iştirak etmək münasib ölkəni təmsil edən məsləhətçi şirkətləri (“Məsləhətçiləri”) qeyd olunmuş Xidmətlərin təmin edilməsində maraqlı olduğunu bildirməyə dəvət edir. Maraqlı olan Məsləhətçilər Xidmətlərin icrası üçün tələb olunan təcrübə, bilik və bacarıqlara malik olduğunu əks etdirən məlumatı təqdim etməlidirlər (CV, oxşar tapşırıqların təsviri, oxşar şəraitdə təcrübə, müvafiq bacarıqların mövcudluğu, və s.).

Fərdi məsləhətçi “Dünya Bankının 2004-cü ilin may ayı tarixli Təlimatı: Dünya Bankından Borcalanlar tərəfindən Məsləhətçilərin Seçilməsi və İşə götürülməsi” (2006-cı ilin oktyabr və 2010-cu ilin may ayında yenidən nəzərdən keçirilmiş) sənədinə əsasən seçiləcək.


Marağı İfadə edən Sənədin təqdim olunması üçün qeyd olunmuş son tarixə qədər Maraqlı olan məsləhətçilər iş günləri saat 11:00-dan 17:00-a qədər aşağıdakı ünvanda əlavə məlumat əldə edə bilərlər.

Marağı İfadə edən Ərizələr 27 mart 2012-ci il saat 16:00-dək aşağıdakı ünvana çatdırılmalıdır.
Kamran Rzayev, Direktor

Azərbaycan Respublikasının Səhiyyə Nazirliyi nəzdində

Səhiyyə Sektorunda İslahatlar Layihəsinin İcra Qrupu

H.Zərdabi küç. 96, 6-cı mərtəbə,

Bakı, AZ1122, Azərbaycan

Tel: +99412-431-1968; Faks: +99412-431-1937



Elektron poçt ünvanı: office@hsrp.az


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət